Grenjaleit og grenjavinnsla í Vesturbyggð
Vesturbyggð auglýsir eftir aðilum til grenjaleitar og grenjavinnslu í Vesturbyggð. Tekið er við umsóknum til 30. apríl næstkomandi.
Skrifað: 14. apríl 2021
Óskað er eftir umsækjendum fyrir fimm svæði, skv. gömlu hreppaskiptingunni:
- Rauðasandshreppur
- Patrekshreppur
- Barðastrandarhreppur
- Suðurfjarðahreppur
- Ketildalahreppur
Til greina kemur að ráða fleiri en einn aðila innan hvers svæðis og skal tekið fram í umsókn um hvaða svæði er sótt. Ákvörðun um ráðningu verður tekin eftir að umsóknafresti lýkur og gert er ráð fyrir að þeir sem ráðnir verði hefji störf í byrjun maí samkvæmt samningi.
Minnt er á að viðkomandi þarf að hafa gilt skotvopnaleyfi og veiðikort sem framvísa þarf við gerð samnings.
Umsóknir skal merkja „Grenjavinnsla 2021“ og er hægt að skila með netpósti á vesturbyggd@vesturbyggd.is eða með bréfpósti:
Vesturbyggð
b.t. Sviðsstjóra umhverfis- og framkvæmdasviðs
Aðalstræti 75
450 Patreksfjörður
Vesturbyggð vekur athygli á því að ráðnir veiðimenn geta einir skilað reikningum og aðeins þeir sem hafa undirritaðan samning við Vesturbyggð fá greitt fyrir refaskott.
Reikningum skal skila fyrir 1. september 2021 í þjónustumiðstöð Vesturbyggðar, ekki verður greitt fyrir grenjavinnslu eftir þann tíma og gefin verða út skilavottorð vegna skotta.