Grenjavinnsla
Vesturbyggð auglýsir öðru sinni eftir aðilum til grenjaleita og grenjavinnslu í Vesturbyggð.
Skrifað: 14. maí 2019
Tekið er við umsóknum til 17. maí næstkomandi.
Óskað er eftir umsækjendum fyrir þrjú svæði, skv. gömlu hreppaskiptingunni.
- Patrekshreppur
- Barðastrandarhreppur – ytri, frá Stálfjalli að Móruá
- Suðurfjarðahreppur
Til greina kemur að ráða fleiri en einn aðila innan hvers svæðis og skal tekið fram í umsókn um hvaða svæði er sótt.
Ákvörðun um ráðningu verður tekin eftir að umsóknarfresti lýkur og miðað er við að umsækjendur hefji störf skv. samkomulagi.
Vesturbyggð vekur athygli á því að ráðnir veiðimenn geta einir skilað reikningum og aðeins þeir sem hafa undirritaðann samning við Vesturbyggð fá greitt fyrir refaskott. Reikningum skal skila fyrir 1. september 2019 og verður ekki greitt fyrir grenjavinnslu eftir það.
Vesturbyggð hefur ákveðið að ganga frá samningum við eftirtala aðila um grenjavinnslu á öðrum svæðum:
Ketildalahreppur – Víðir Guðbjartsson
Barðastrandarhreppur
- Innri Barðaströnd frá Móruá að Kjálkafirði – Ísak Jansson
Rauðasandshreppur
- Frá Stálfjalli að Suðurfossaá (Skor, Sjöundaá og Melanes) – Ástþór Skúlason
- Frá Suðurfossaá að landamerkjum Naustabrekku og Keflavíkur – Gunnar Guðmundsson
- Breiðavík, Keflavík, Geitagil, Hænuvík og Sellátranes – Keran St. Ólason
- Kollsvík að Keflavík (Kollsvík, Láganúpur, Hvallátur, Bæjarbjarg) og Botnsá að Sellátranesi – Kristinn Guðmundsson