Grenndarkynning í nágrenni Sauðlaukskirkju
Boðað er til grenndarkynningar vegna fyrirhugaðra byggingaráforma fyrir húsi sem hýsa á eldhús og verkfærahús á lóð Sauðlauksdalskirkju.
Skrifað: 20. nóvember 2019
Grenndarkynning er í samræmi við ákvæði 44. gr. skipulagslaga nr. 123/2010. Grenndarkynning felst í því að nágrönnum sem taldir eru geta átt hagsmuna að gæta er gefinn kostur á að tjá sig um breytingar í þegar byggðu hverfi þar sem ekki liggur fyrir deiliskipulag.
Gildandi aðalskipulag
Landnotkun á þeim reit sem grenndarkynningin nær til er skilgreint sem svæði fyrir þjónustustofnun og landbúnaðarsvæði í aðalskipulagi Vesturbyggðar 2006-2018.
Bókun skipulags- og umhverfisráðs Vesturbyggðar þann 11.11.2019:
1910016 – Framkvæmdir við Sauðlauksdalskirkju
Tekin fyrir umsókn sóknarnefndar Sauðlauksdalskirkju vegna byggingaráforma fyrir húsi sem hýsa á eldhús og verkfærahús á lóð Sauðlauksdalskirkju. Byggingarfulltrúi hafði stöðvað framkvæmdir með bréfi dags. 3. október 2019. Erindinu fylgja ódagsettir aðaluppdrættir unnir af Guðbjarti Á. Ólafssyni.
Skipulags- og umhverfisráð samþykkir byggingaráformin með fyrirvara um jákvæða niðurstöðu grenndarkynningar. Skipulags- og umhverfisráð felur skipulagsfulltrúa að grenndarkynna framkvæmdina fyrir eigendum Sauðlauksdals og Sauðlauksdals III. Skipulags- og umhverfisráð telur það ámælisvert að framkvæmdaraðili hafi hafið framkvæmd áður en tilskilin leyfi hafi legið fyrir af hálfu sveitarfélagsins. Skipulags- og umhverfisráð leggur áherslu á að vandað verði til við ytri frágang hússins og gætt að heildarsamræmi við kirkjun.
Athugasemdum má skila á vesturbyggd@vesturbyggd.is eða í bréfpósti, þá merkt:
Vesturbyggð
Aðalstræti 75
450 Patreksfjörður