Grenndarkynning - Strandgata 10-12 á Bíldudal
Í erindinu er sótt um að fá að bæta við þriðja tankinum undir meltu við NV-horn meltu- og vatnshreinsistöðvar við Strandgötu 10-12 á Bíldudal. Þeim sem telja sig eiga hagsmuna að gæta er hér með gefinn kostur á að gera athugasemdir við breytinguna.
Skrifað: 31. mars 2020
Á 70. fundi skipulags- og umhverfisráðs Vesturbyggðar þann 12.03.20 og á fundi hafna- og atvinnumálaráðs var samþykkt að grenndarkynna erindi um deiliskipulagsbreytingu fyrir Strandgötu 10-12 á Bíldudal.
Í erindinu er sótt um að fá að bæta við þriðja tankinum undir meltu við NV-horn meltu- og vatnshreinsistöðvar við Strandgötu 10-12 á Bíldudal. Breyting skilmála fyrir lóðina er sýnd á meðfylgjandi tillögu og er að öllu leyti vísað nánar til hennar um fyrirhugaðar breytingar, en m.a. felst breytingin í eftirfarandi:
- Byggingarreitur umhverfis vatnshreinsistöð er stækkaður svo koma megi fyrir þriðja tankinum undir meltu.
Skipulags- og umhverfisráð Vesturbyggðar grenndarkynnir hér með erindið fyrir eigendum fasteigna í samræmi við samþykkt þessa og með vísan til 43. og 44. gr. skipulagslaga nr. 123/2010. Meðfylgjandi tillaga um deiliskipulagsbreytingu, er kynnt á heimasíðu Vesturbyggðar og er til sýnis á bæjarskrifstofum Vesturbyggðar, Aðalstræti 75.
Þeim sem telja sig eiga hagsmuna að gæta er hér með gefinn kostur á að gera athugasemdir við breytinguna. Athugasemdum skal skila skriflega til skrifstofu Vesturbyggðar, Aðalstræti 75, 450 Patreksfjörður eða á netfangið vesturbyggd@vesturbyggd.is eigi síðar en 28. apríl 2020.
