Athugið að þessi færsla var skrifuð fyrir meira en 3 ári síðan, og því gæti innihald hennar ekki átt við lengur.
Hertar sóttvarnaraðgerðir vegna COVID-19
31. október 2020 taka gildi hertar reglur um sóttvarnir vegna COVID-19 og munu þær reglur gilda til og með 17. nóvember nk. Hertar reglur taka til landsins alls og munu hafa áhrif á starfsemi á vegum Vesturbyggðar.
Skrifað: 30. október 2020
Hertar reglur taka til landsins alls og munu hafa áhrif á eftirtalda starfsemi á vegum Vesturbyggðar:
- Bylta á Bíldudal og Brattahlíð á Patreksfirði verða lokuð.
- Skipulag skólastarfs verður endurskoðað, en reglugerð fyrir starfsemi skólana mun liggja fyrir á sunnudag. Hertar reglur um skólastarf taka svo gildi 4. nóvember nk. og verður fyrirkomulag skólastarfsins sérstaklega tilkynnt foreldrum og forráðamönnum barna í leikskóla, grunnskóla og tónlistarskóla.
Helstu takmarkanir eru:
- 10 manna fjöldatakmörk meginregla.
- Heimild fyrir 30 manns í útförum en 10 að hámarki í erfidrykkjum.
- 50 manna hámarksfjöldi í lyfja- og matvöruverslunum en reglur um aukinn fjölda með hliðsjón af stærð húsnæðisins.
- Fjöldatakmarkanir gilda ekki um almenningssamgöngur, hópbifreiðar, innanlandsflug eða störf viðbragðsaðila.
- Fjöldatakmarkanir gilda ekki um störf ríkisstjórnar, ríkisráðs, Alþingis og dómstóla.
- 10 manna fjöldatakmörk eiga ekki við þegar fleiri búa á sama heimili.
- Starfsemi og þjónusta sem krefst snertingar eða hætta er á snertingu milli fólks eða mikillar nálægðar er óheimil, svo sem menningarstarfsemi, starfsemi hárgreiðslustofa, snyrtistofa, nuddstofa, húðflúrstofa, hundasnyrtistofa, sólbaðsstofa og önnur sambærileg starfsemi.
- Sund- og baðstöðum sem og líkamsræktarstöðvum skal lokað.
- Íþróttir, þar með talið æfingar og keppnir, barna og fullorðinna hvort sem er innan- eða utandyra, með eða án snertingar eru óheimilar. Einstaklingsbundnar æfingar án snertingar eru heimilar, svo sem útihlaup og sambærileg hreyfing.
- Sviðslistir óheimilar.
- Krám og skemmtistöðum lokað.
- Veitingastaðir með vínveitingaleyfi mega ekki hafa opið lengur en til 21.00.
- Grímuskylda þar sem ekki er unnt að tryggja 2 metra nálægðarmörk milli einstaklinga sem ekki eru í nánum tengslum.
- Börn fædd 2015 og síðar undanþegin 2 metra reglu, fjöldamörkum og grímuskyldu (gilti áður um börn fædd 2005 og síðar).
Nánar er unnt að kynna sér reglugerð ráðherra hér
Nú reynir á samtakamátt okkar allra í Vesturbyggð að hvert og eitt okkar gæti vel að einstaklingsbundnum sóttvörnum. Að við mætum hertum aðgerðum með æðruleysi og sýnum samstöðu. Þannig komumst við saman í gegnum þennan ólgusjó sem faraldurinn lætur nú dynja á okkur.
