Íbúafundur um sameiningarmál
Bæjarstjórn Vesturbyggðar hefur látið framkvæma greiningu og könnun á hagkvæmni sameiningar Vesturbyggðar við Tálknafjarðarhrepp.
Boðað er til íbúafundar miðvikudaginn 29. september kl. 20:00 – 21:30 í Félagsheimili Patreksfjarðar, Aðalstræti 107. Á fundinum verður kynning á verkefninu og leitað sjónarmiða íbúa um hvaða atriði skipta mestu máli, ef til sameiningarviðræðna kemur.
Fundinum verður streymt á Facebooksíðu Vesturbyggðar.
Skrifað: 23. september 2021
Á fundinum notum við rafrænt samráðskerfi svo allir sitji við sama borð, þ.e. þeir sem mæta á fundarstað og þeir sem fylgjast með í streymi. Auk þess verður boðið upp á spurningar og ábendingar úr sal.
Til að taka þátt á menti.com þarf að hafa síma, snjalltæki eða tölvu og fara inn á síðuna menti.com. Slá þar inn töluröð sem gefinn verður upp á fundinum og þá opnast samráðskerfið.
Hægt er að senda eins margar spurningar eða ábendingar og fólk vill. Hægt er að líka við góðar spurningar og færast þær þá ofar í röðina. Algengustu spurningum verður svarað fyrst.
Fulltrúar Vesturbyggðar og ráðgjafar verða til svara eftir kynningu og allar spurningar verða birtar á vef Vesturbyggðar að fundi loknum.