Íbúðarhúsnæði og umsókn um stofnframlög
Samkvæmt fjárhagsáætlun bæjarstjórnar Vesturbyggðar 2020 er gert ráð fyrir sölu íbúðarhúsnæðis í eigu sveitarfélagsins. Um síðustu áramót 2019/2020 átti Vesturbyggð og Fasteignir Vesturbyggðar samtals 33 íbúðir.
Skrifað: 14. maí 2020
Í samræmi við framangreinda fjárhagsáætlun hafa á síðustu misserum, eftirfarandi íbúðarhúsnæði verið auglýst til sölu eða eru í söluferli.
Patreksfjörður
- Bjarkagata 8
- Sigtún 29 – 35 (8 íbúðir)
- Stekkar 13
- Aðalstræti 63
- Aðalstræti 105
Bíldudalur
- Sæbakki 4 (2 íbúðir)
- Langahlíð 18
Þrátt fyrir ofangreindar eignir verði seldar í samræmi við markmið í fjárhagsáætlun Vesturbyggðar þá verða áfram í eigu Vesturbyggðar og Fasteigna Vesturbyggðar samtals 14 íbúðir á Patreksfirði og 3 íbúðir á Bíldudal.
Bæjarráð Vesturbyggðar staðfesti á 895. fundi sínum að sækja um stofnframlög til nýbyggingar 4 íbúða á Bíldudal í samvinnu við Nýjatún ehf. sem hluta af tilraunaverkefni í átaki í húsnæðismálum á landsbyggðinni. Fáist stofnframlög til verkefnisins þá mun Vesturbyggð leggja 12% stofnframlag í verkefnið sem nemur um 13,4 millj. kr. Í umsókn Vesturbyggðar um stofnframlög kom m.a. fram: “Til að stoppa þá miklu stöðnun sem orðið hefur í byggingu íbúðarhúsnæði á Bíldudal og til að auka líkur á að frekari atvinnuuppbygging geti átt sér stað í samræmi við framtíðaráform þeirra fyrirtækja sem eru með rekstur á Bíldudal er nauðsynlegt að veitt verði framlög til þessa verkefnis.” Niðurstöðu vegna umsóknar Vesturbyggðar um stofnframlag er að vænta í júlí.
