Innviðagreining
Undanfarin tvö ár hefur Vesturbyggð unnið að verkefni sem miðar að því að kortleggja stöðu atvinnureksturs í sveitarfélaginu og hvernig hægt er til framtíðar að skapa aðstöðu fyrir þau fyrirtæki sem hafa hug á að efla sinn rekstur enn frekar innan sveitarfélagsins auk aðstöðusköpunar fyrir ný fyrirtæki.
Skrifað: 13. maí 2019
Með auknu fiskeldi og aukin umsvif í öðrum atvinnugreinum hefur orðið viðsnúningur í atvinnumálum í Vesturbyggð. Þetta hefur einnig gert það að verkum að sveitarfélagið hefur fundið fyrir vaxtaverkjum m.t.t innviða eins og á hafnarsvæðum og á fasteignamarkaði svo dæmi séu nefnd.
Verkefnið var fyrst kynnt á íbúafundi á Bíldudal þann 19. september 2017 og voru í nóvember 2017 haldnir fundir með stærri fyrirtækjum á svæðinu, einnig voru haldnir opnir fundir með öðrum hagsmunaaðilum.
Íbúum og fyrirtækjum var gefin kostur á að senda inn athugasemdir og/eða ábendingar við skýrsluna og eins voru haldinir kynningarfundir í apríl þar sem helstu niðurstöður voru kynntar.
Liggur nú fyrir lokaeintak skýrslunnar þar sem farið er yfir niðurstöður ásamt greiningu innviða og samfélags.