Íþróttaskólinn á Bíldudal óskar eftir starfsmanni
Auglýst er eftir metnaðarfullum, sjálfstæðum og drífandi starfsmanni til að sjá um Íþróttaskólann á Bíldudal. Íþróttaskólinn í Vesturbyggð er starfandi í samfellu við grunnskólahald alla virka daga og er ætlaður börnum í 1. – 4. bekk.
Um er að ræða tímavinnu eftir hádegi.
Íþróttaskólinn sækir fyrirmynd sína til HSV en þar hefur verið íþróttaskóli starfræktur frá hausti 2011. Kennslan í skólanum skiptist í tvennt, annars vegar grunnþjálfunarþátt og hins vegar boltaskóla.
Óskað er eftir að viðkomandi getur byrjað sem fyrst.
Menntunar- og hæfniskröfur
- Nám stuðningsfulltrúa eða sambærilegt nám æskilegt
- Viðkomandi þarf að hafa náð 18 ára aldri
- Hefur ánægju af að starfa með börnum
- Frumkvæði í störfum og faglegur metnaður
- Jákvæðni og sveigjanleiki í samskiptum
- Sjálfstæði og skipulögð vinnubrögð
Umsóknarfrestur er til og með 17. október 2024
Laun og starfskjör eru í samræmi við kjarasamninga Sambands íslenskra sveitarfélaga og viðkomandi stéttarfélags. Vesturbyggð áskilur sér rétt til að hafna öllum umsóknum.
Frekari upplýsingar veitir Hafdís Helga Bjarnadóttir, tómstundafulltrúi. Umsóknir skulu berast á netfangið hafdishelga@vesturbyggd.is