Jólatendranir 2024
Kveikt verður á ljósum jólatrjáa á Patreksfirði, Tálknafirði og Bíldudal um mánaðarmótin. Auk þess býður Vesturbyggð í Skjaldborgarbíó.
Allir bæjarbúar eru hjartanlega velkomnir að vera viðstaddir og gleðjast saman í skammdeginu. Boðið verður upp á heitt súkkulaði og smákökur, dansað verður í kringum jólatréð og fleira. Í Skjaldborgarbíói verður kvikmyndin Moana 2 sýnd í boði Vesturbyggðar, en athugið að það verður þann 4. desember kl. 17:00.
Tímasetningar
- Patreksfjörður: föstudaginn 29. nóvember kl. 16:00 á Friðþjófstorgi.
- Tálknafjörður: laugardaginn 30. nóvember kl. 17:00 á Lækjartorgi.
- Bíldudalur: mánudaginn 2. desember kl. 16:30 við Baldurshaga.
- Bíó: miðvikudaginn 4. desember kl. 17:00 í Skjaldborgarbíói.
Tímasetningar eru birtar með fyrirvara um að veðurguðirnir verði okkur hliðhollir.