Athugið að þessi færsla var skrifuð fyrir u.þ.b. 5 ári síðan, og því gæti innihald hennar ekki átt við lengur.

Lagning ljósleiðara á Barðaströnd

Nú er að hefjast aftur vinna við lagningu á ljósleiðara á Barðaströnd þaðan sem frá var horfið á seinasta ári. Stefnt er að því að leggja ljósleiðara á alla sveitabæi og fyrirtæki frá Kleifaheiði og að Auðshaug.

Skrifað: 23. apríl 2019

Verkefnið er í samstarfi við Mílu sem á nú þegar ljósleiðara sem liggur eftir ströndinni. Farið verður í tengibrunna á leiðinni og lagt frá þeim að hverjum notanda. Á Krossholti mun Míla hins vegar setja upp ljósnet og nýta þar koparlagnir sem eru til staðar.

Það er Lás ehf. sem vinnur jarðvinnuna og Telnet mun síðan sjá um að tengja ljósleiðarann hjá notendum.