Lagning ljósleiðara í þéttbýli
Míla í samstarfi við Vesturbyggð hyggst leggja ljósleiðara í þéttbýli Vesturbyggðar á árinu 2025. Um er að ræða framkvæmdir á Patreksfirði.
Framkvæmdin er styrkt með átaki stjórnvalda um að klára ljósleiðaravæðingu landsins fyrir árslok 2026. Vesturbyggð var eitt þeirra sveitarfélaga sem fékk styrk til framkvæmda.
Áformað er að framkvæmdir hefjist í tilgreindum bæjarkjarna næsta vor en nánari upplýsingar um tímasetningar veitir Míla.
Óski fyrirtæki eftir samstarfi í framkvæmdum á einstaka svæðum skal beina slíkri fyrirspurn til Mílu með tölvupósti á netfangið mila@mila.is við fyrsta tækifæri og a.m.k. innan 30 daga frá birtingu tilkynningar þessar svo hægt sé að tryggja að hönnun verkefnis geri ráð fyrir samnýtingu lagnaleiða innan framkvæmdartímans.
Framkvæmdaáformin eru auglýst á heimasíðu Mílu.
