Láttu okkur vita
Vesturbyggð fæst við mörg og fjölbreytt verkefni á hverjum degi. Starfsmenn Vesturbyggðar leggja metnað í að sinna þeim verkefnum bæði vel og örugglega. Fjöldi verkefna er oft mikill og þá er nauðsynlegt að forgangsraða þeim eftir mikilvægi hverju sinni. Einnig vinnur starfsfólk Vesturbyggðar ötullega að því að bæta þjónustu við íbúa sveitarfélagsins eins og kostur er.
Skrifað: 7. ágúst 2019
Það er því starfsmönnum Vesturbyggðar mikilvægt að upplýsingar um það hvað betur megi fara í sveitarfélaginu berist til okkar svo unnt sé að bregðast við. Sveitarfélagið getur ekki lagfært eða bætt það sem ekki er vitað að þurfi að bæta.
Samfélagið okkar verður aldrei betra en við sjálf gerum það og saman getum við gert stórkostlega hluti.
Vesturbyggð vill því biðja íbúa um að nýta sér þær leiðir sem til staðar eru við að hafa samband við sveitarfélagið með ábendingar, athugasemdir eða jafnvel hrós ef við erum að standa okkur vel.
Íbúar hafa um nokkrar leiðir að velja til að hafa samband við Vesturbyggð og koma upplýsingum til starfsmanna:
Í gegnum netfangið vesturbyggd@vesturbyggd.is
Í gegnum skilaboðatakkann á heimasíðunni https://vesturbyggd.is/
Í gegnum Facebook https://www.facebook.com/Vesturbyggd/
Í síma: 450-2300
Í Ráðhúsinu, Aðalstræti 75 á Patreksfirði, sem opnar aftur eftir sumarlokun 12. ágúst kl. 10.
Vinnum saman að því að gera Vesturbyggð enn betri.