Lokun á hluta Brunna
Loka þarf tímabundið fyrir akstur gegnum Brunna á Patreksfirði vegna gatnaframkvæmda. Gatan verður lokuð á ákveðnum kafla frá 24. júlí til 29. ágúst að báðum dögum meðtöldum.
Verið er að fara í efnisskipti á hluta götunnar þannig að lokun á umferð um það svæði, sjá mynd fyrir neðan, er ekki umflúin.
Gatan verður opnuð aftur fyrir umferð á þessum kafla að þessari framkvæmd lokinni en mun verða frekar gróf yfirferðar og krefst þess að aðilar sem fari um götuna sýni fyllstu varúð.
Í framhaldinu verður farið í endurnýjun lagna í seinni helming götunnar og verða því þrengingar í gildi áfram um götuna eftir að lokun lýkur.
Notendur eru beðnir um að sýna því skilning að ekki er um aðra leið að velja en að loka fyrir á meðan framkvæmdir standa yfir. Beðist er velvirðingar á þeim óþægindum sem þetta kann að valda.
![](https://vesturbyggd-wp.kolofon.dev/wp-content/uploads/2024/07/brunnar.png)