Malbiksframkvæmdir á árinu 2025
Vesturbyggð vinnur nú að fjárhagsáætlun fyrir árið 2025. Í þeirri vinnu er viðamikill dálkur sem snýr að getu sveitarfélagsinns til malbiksframkvæmda.
Vegna þeirra stærða sem eru í krónutölum við malbik, hefur sveitarfélagið kallað eftir svörum frá malbiksaðilum, um hvort hægt sé að koma með stöð á sunnanverða Vestfirði á árinu 2025.
Svarið sem fengist hefur, er að það fari eftir umfangi verks, stærðarmörk vinnu verða að ná sem næst 2500 rúmmetrum að malbiki.
Í ljósi þess að töluverður verðmunur er milli þess að keyra malbik á svæðið, eða framleiða það hér fyrir vestan, vill Vesturbyggð kanna áhuga fyrirtækja og einstaklinga á að fara í malbiksframkvæmdir á árinu 2025.
Áætlað magn sem Vesturbyggð er að horfa til að malbika á næsta ári, ef geta og fjármagn leyfir, gæti legið nálægt 500 rúmmetrum.
Vinsamlega, ef fyrirtæki ykkar eða einstaklingar eru að hugleiða að fara í malbiksframkvæmdir væri gott ef upplýsingar um áætlað magn berist á sviðsstjóra umhverfis- og framkvæmdasviðs.
Gott væri að fá svör sem fyrst.
Farið verður með allar upplýsingar varðandi svör við þessari auglýsingu sem trúnaðarmál.
