Mismunandi stig snjóflóðaviðvarana
Raknadalshlíð er í vöktun hjá Vegagerðinni og Veðurstofunni gagnvart snjóflóðum í fyrsta sinn í vetur. Því er tilefni til að fara yfir mismunandi stig snjóflóðaviðvarana.
Skrifað: 25. janúar 2024
Viðvaranirnar eru meðal annars byggðar á snjóflóðaspá sem Veðurstofan gerir fyrir Vegagerðina um þessa vegakafla. Um er að ræða eftirfarandi stig vegna snjóflóðahættu:
- A. Snjóflóðahætta er möguleg. Mögulega gæti safnast það mikill snjór að frekari viðvaranir yrðu gefnar út.
- B. Lýst yfir óvissustigi. Snjóflóðahætta er viðvarandi og vegfarendur hvattir til að vera ekki á ferðinni að nauðsynjalausu.
- C. Lýst yfir hættustigi. Veginum lokað.
- D. Hættustigi aflýst. Vegurinn opinn.
Nánari upplýsingar má finna á heimasíðu Vegagerðarinnar.