Norlandair tekur við áætlunarflugi á Bíldudal
Vegagerðin hefur gengið frá samningi við flugfélagið Norlandair um beint áætlunarflug til og frá Bíldudalsflugvelli 6 daga vikunnar, frá 16. nóvember 2020 til 15. nóvember 2023.
Skrifað: 12. nóvember 2020
Fyrsta flug félagsins verður mánudaginn 16. nóvember n.k. frá Reykjavík kl. 9:30 og mun lenda kl. 10:10 á Bíldudalsflugvelli. Nánari upplýsingar um flugáætlun félagsins má nálgast hér.
Flug Norlandair frá og til Bíldudals er bókanlegt á vef Air Iceland Connect – https://www.airicelandconnect.is/
Vesturbyggð vill nota tækifærið og þakka Flugfélaginu Erni, sem hefur um árabil haft á hendi flugþjónustu á sunnanverðum Vestfjörðum, kærlega fyrir þeirra góðu þjónustu í gegnum árin. Þá býður sveitarfélagið flugfélagið Norlandair velkomið á svæðið til að þjónusta íbúa og fyrirtæki í Vesturbyggð.