Ný starfsstöð leikskóla
Eins og fram hefur komið er Araklettur fullsetinn og myndast biðlisti á leikskólann. Til að bregðast við því hefur verið ákveðið að opna nýja starfsstöð leikskólans í Safnaðarheimilinu á Patreksfirði frá og með 1. mars n.k. Deildin verður starfandi tímabundið þar til að ný viðbygging við Araklett verður tekin í notkun.
Skrifað: 28. febrúar 2023
Á starfsstöðinni verða 2 starfsmenn og mun að minnsta kosti annar þeirra fylgja börnunum af deildinni yfir á Araklett eftir sumarleyfi leikskólans þegar ný viðbygging verður tekin í notkun. Byrjað er að taka við börnum á deildina.
Í janúar auglýsti Vesturbyggð eftir dagforeldrum til starfa á Patreksfirði sem fengju ákveðna styrki frá sveitarfélaginu samkvæmt sérstökum reglum þar um. Ekki tókst að fá dagforeldra til starfa og því var gripið til þessa ráðs.
