Nýr vefur tilnefndur til íslensku vefverðlaunanna
Nýr vefur Vesturbyggðar hefur verið tilnefndur til íslensku vefverðlaunanna í flokki opinberra vefja. Íslensku vefverðlaunin, uppskeruhátíð vefiðnaðarins á Íslandi, verða haldin á vegum Samtaka vefiðnaðarins (SVEF) þann 22. febrúar.
Skrifað: 15. febrúar 2019
Nýr vefur var opnaður í júlí 2018 og er gerður eftir öllum helstu stöðlum nútímans, hann er aðgengilegur í snallsímum og spjaldtölvum og þá er sérstaklega litið til aðgengis þeirra sem þurfa aðstoð við að skoða vefi.
Verðlaun eru veitt í 11 flokkum, þar að auki verða sérstök verðlaun fyrir hönnun og viðmót sem og vef ársins. Einnig verður veitt viðurkenning fyrir aðgengilegasta vefinn. Hér má sjá hvaða opinberu vefir eru tilnefndir í sama flokki og Vesturbyggð:
- Háskólinn á Akureyri
- Isavia
- Nýir grunnskólavefir Reykjavikurborgar
- Persónuvernd
- Vesturbyggð
Vesturbyggð hefur notið leiðsagnar Greips Gíslasonar, ráðgjafa, við undirbúning nýs vefs og gerð samskiptastefnu. Hönnun og forritun er í höndum Kolofon.