Athugið að þessi færsla var skrifuð fyrir næstum 6 ári síðan, og því gæti innihald hennar ekki átt við lengur.
Ofanflóðavarnargarðar á Patreksfirði – opið hús
Mat á umhverfisáhrifum.
Opið hús verður haldið þriðjudaginn 10. júlí kl 18:00 – 19:30 til að kynna mat á umhverfisáhrifum vegna fyrirhugaðra ofanflóðavarnargarða á Patreksfirði, ofan við Urðargötu, Hóla og Mýrar. Kynntar verða niðurstöður frummatsskýrslu og fer kynningin fram í fundarsal bæjarstjórnar Vesturbyggðar að Aðalstræti 63.
Fyrirkomulag fundarins verður þannig að stutt erindi verður haldið um framkvæmdina og niðurstöður úr frummatsskýrslu auk þess sem sýnd verða veggspjöld með helstu niðurstöðum. Fulltrúar frá Framkvæmdasýslu ríkisins og Vesturbyggð ásamt sérfræðingum frá VSÓ Ráðgjöf verða á staðnum til að svara fyrirspurnum.
Skrifað: 3. júlí 2018