Athugið að þessi færsla var skrifuð fyrir næstum 4 ári síðan, og því gæti innihald hennar ekki átt við lengur.
Ofanflóðavarnir á Bíldudal
Fundur til kynningar á frumhönnun ofanflóðavarna á Bíldudal vegna Stekkjargils/Gilsbakkagils og Milligils verður haldin í félagsheimilinu Baldurshaga, fimmtudaginn 11. júní kl. 17:30.
Skrifað: 10. júní 2020
Aðili frá ofanflóðavörnum, sérfræðingar frá Verkís og Landmótum ásamt aðilum frá Vesturbyggð munu standa fyrir kynningu á frumhönnun á mannvirkum og varnargörðum sem til stendur að reisa ofan Bíldudals.
Í frumhönnun er gerð grein fyrir framkvæmdinni, helstu áhrifaþáttum hennar og líklegum áhrifum á umhverfisþætti.
Fólki gefst tækifæri á að koma fram með spurningar / athugasemdir og fá svör við þeim. Fólk er hvatt til að kynna sér framkvæmdina með því að skoða meðfylgjandi hlekk hér fyrir neðan.
