Athugið að þessi færsla var skrifuð fyrir meira en 4 ári síðan, og því gæti innihald hennar ekki átt við lengur.
Drónaflug á Patreksfirði
Íbúar á Patreksfirði geta orðið varir við drónaflug næstu tvo daga í tengslum undirbúning ofanflóðavarnagarða.
Skrifað: 26. ágúst 2019
Verkfræðistofan Efla mun standa að talningu gróðurs í hlíðum Urðargötu, Mýra og Hóla á Patreksfirði. Þessi aðgerð er liður í að endurheimta þann gróður sem mun fara undir ofanflóðamannvirki. Því munu íbúar væntanlega verða varir við drónaflug af þeirra völdum næstu tvo daga. Ekki verða teknar myndir af húsnæði heldur eingöngu kortlögð hlíðin.