Píanókennari óskast!
Tónlistarskóli Vesturbyggðar auglýsir eftir píanókennara í stundakennslu og meðleik.
Tónlistarskóli Vesturbyggðar er vaxandi og vel útbúinn skóli, staðsettur í grunnskólanum á Patreksfirði og á Bíldudal. Nemendur skólans eru yfir fimmtíu talsins auk forskóla. Við skólann starfar lítill en metnaðarfullur kennarahópur sem leggur mikla áherslu á fjölbreytileika og samspil af ýmsu tagi.
Skrifað: 3. september 2020
Leitað er eftir áhugasömum einstaklingi sem sýnir frumkvæði og sveigjanleika í starfi. Óskað er eftir að viðkomandi hefji störf eins fljótt og auðið er.
Helstu verkefni og ábyrgð
Viðkomandi þarf að geta kennt nemendum á öllum aldri upp að framhaldsstigi að lágmarki. Einnig þarf viðkomandi að geta leikið með nemendum skólans á tónleikum og í hljóðfæraprófum upp að framhaldsstigi. Kostur er ef viðkomandi getur tekið að sér kennslu á önnur hljóðfæri en píanó, einkum strengjahljóðfæri.
Hæfniskröfur
- Háskólapróf í tónlist æskilegt eða tónlistarnám sem nýtist í starfi
- Reynsla af kennslustörfum
- Lipurð og sveigjanleiki í samskiptum
- Frumkvæði í starfi
- Sjálfstæð og skipulögð vinnubrögð
Umsóknarfrestur er til og með 14. september 2020
Laun eru samkvæmt samningi Sambands íslenskra sveitarfélaga og viðkomandi stéttarfélags (FT eða FÍH).
Nánari upplýsingar um starfið veitir skólastjóri, Kristín Mjöll Jakobsdóttir, sími 846 7816.