Samfélagssáttmálinn
Vesturbyggð vill minna á mikilvægi þess að allir gæti áfram fyllstu varúðar og sóttvarna. Mikilvægt er að gæta að handþvotti og að við virðum 2ja metra nándarmörk á milli einstaklinga eins og frekast er unnt. Þá vill Vesturbyggð hvetja íbúa, rekstraraðila og aðra sem heimsækja sveitarfélagið að huga sérstaklega að sóttvörnum og hreinsun snertifleta, til að draga úr hættu á smiti.
Skrifað: 2. júlí 2020
Vesturbyggð minnir einnig á samfélagssáttmálann sem Almannavarnir og Embætti landlæknis hafa gefið út, þar sem minnt er á að framhald á góðum árangri gegn COVID-19 kórónavírusnum er í okkar höndum. Í sáttmálanum eru ítrekuð nokkur atriði sem við þurfum öll að hafa í huga til að verjast veirunni s.s. að þvo hendur og sótthreinsa og halda 2ja metra fjarlægð. Vesturbyggð hvetur rekstraraðila í Vesturbyggð að prenta sáttmálann út og hengja hann upp á áberandi stað, þar sem fólk kemur saman til að minna okkur stöðugt á að gjörðir okkar skipta miklu máli við að hefta útbreiðslu COVID-19.