Skjaldborg hlaut Eyrarrósina 2020
Skjaldborg – Hátíð íslenskra heimildarmynda á Patreksfirði hlaut Eyrarrósina 2020, viðurkenningu fyrir framúrskarandi menningarverkefni utan höfuðborgarsvæðisins. Tilkynnt var um handhafa verðlaunanna á Bessastöðum í gær, en þetta var í sextánda sinn sem Eyrarrósin var veitt.
Skrifað: 27. febrúar 2020
Eyrarrósin er samstarfsverkefni Byggðastofnunar, Air Iceland Connect og Listahátíðar í Reykjavík. Alls bárust 25 umsóknir um Eyrarrósina 2020 og voru sex verkefni valin á Eyrarrósarlistann í ár:
- Júlíana – hátíð sögu og bóka (Stykkishólmur)
- Kakalaskáli í Skagafirði (Akrahreppur)
- Menningarstarf í Alþýðuhúsinu á Siglufirði (Fjallabyggð, Siglufjörður)
- Plan B Art Festival (Borgarbyggð/Vesturland)
- Reykholtshátíð (Borgarfjörður/Vesturland)
- Skjaldborg – Hátíð íslenskra heimildarmynda (Patreksfjörður)
Eliza Reid forsetafrú er verndari Eyrarrósarinnar og afhenti hún viðurkenninguna á Bessastöðum í gær.
Skjaldborgarhátíðin í ár verður haldin um hvítasunnuhelgina, 29. maí til 1. júní.