Athugið að þessi færsla var skrifuð fyrir meira en 2 ári síðan, og því gæti innihald hennar ekki átt við lengur.

Skólastarf á Patreksfirði fellur niður á morgun

Vesturbyggð hefur í samráði við sóttvarnalækni á Vestfjörðum ákveðið að loka Patreksskóla og leikskólanum Arakletti á morgun, föstudaginn 7. janúar. Þá fellur niður kennsla í efri bekkjum í Bíldudalsskóla sem átti að fara fram á Patreksfirði á morgun sem og kennsla í Tónlistarskóla Vesturbyggðar.

Skrifað: 6. janúar 2022

Fréttir

Ákvörðun um lokun er tekin vegna þess fjölda nemenda og starfsfólks sem er í eingangrun eða sóttkví. Sýnatökur fóru fram í dag og mun umfang smita og næstu skref er varðar skólastarf á Patreksfirði ekki liggja ljós fyrir, fyrr en eftir að niðurstöður úr sýnatöku dagsins liggja fyrir.

Vesturbyggð hvetur alla til að gæta að persónulegum sóttvörnum, fara gætilega og skrá sig í sýnatöku ef minnstu einkenna verður vart.