Starfsmaður í félagsmiðstöðinni Vest-End
Félagsmiðstöðin Vest-End á Patreksfirði auglýsir eftir starfsmanni.
Skrifað: 22. desember 2023
Starfið felst í að aðstoða við skipulag á innra starfi Vest-End. Einnig sér starfsmaður um þrif á félagsmiðstöðinni. Félagsmiðstöðin Vest-End er opin tvö kvöld í viku tvo tíma í senn og er starfið aðallega ætlað fyrir unglinga á unglingastigi grunnskóla.
Félagsmiðstöðvarnar á sunnanverðum Vestfjörðum starfa náið saman og eru sameiginlegir viðurðir haldnir einu sinni í mánuði.
Hæfniskröfur
- Viðkomandi þarf að hafa náð 20 ára aldri
- Reynsla í vinnu með unglingum æskileg
- Sjálfstæð vinnubrögð, stundvísi og jákvætt viðmót skilyrði
- Áhugi fyrir að efla unglingastarf á svæðinu æskilegur
Umsóknarfrestur er til og með 31. desember 2023
Laun og starfskjör eru í samræmi við kjarasamninga Sambands íslenskra sveitarfélaga og viðkomandi stéttarfélags. Vesturbyggð áskilur sér rétt til að hafna öllum umsóknum.
Frekari upplýsingar veitir Hafdís Helga Bjarnadóttir, tómstundafulltrúi, og tekur hún einnig á móti umsóknum.