Starfsmaður í frístund
Bíldudalsskóli auglýsir laust til umsóknar 43% stöðu starfsmanns í frístund með möguleika á hærra starfshlutfalli innan skólans.
Skrifað: 12. maí 2021
Starfið felst í að leiðbeina börnum í leik og starfi, skipulagning á frístundastarfinu, samvinna við börn, starfsfólk skólans og foreldra o.fl.
Hæfniskröfur
- Áhugi á að vinna með börnum
- Reynsla af starfi með börnum
- Frumkvæði og sjálfstæði í starfi
- Jákvæðir og góðir samstarfshæfileikar
Umsóknarfrestur er til og með 22. maí 2021
Laun eru samkvæmt kjarasamningum Sambands íslenskra sveitarfélaga við viðkomandi stéttarfélags. Umsækjendur mega hvorki hafa hlotið refsidóm vegna brota á ákvæðum XXII. kafla almennra hegningarlaga (kynferðisbrot), nr. 19/1940 frá því að hann var sakhæfur (15 ára) né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því að við ráðningu er heimilt að sækja upplýsingar úr sakaskrá.
Frekari upplýsingar gefur Signý Sverrisdóttir skólastjóri