Starfsmaður Muggsstofu - samfélagsmiðstöð á Bíldudal
Í nóvember verður opnuð samfélagsmiðstöðin Muggsstofa á Bíldudal. Samfélagsmiðstöðin er samstarfsverkefni Vesturbyggðar og Skrímslasetursins á Bíldudal. Í samfélagsmiðstöðinni mun fara fram starfsemi Bókasafns Bílddælinga, félagsstarf aldraðra á Bíldudal og þar verður í boði aðstaða fyrir námsmenn og þá sem starfsaðstöðu þurfa á Bíldudal. Um er að ræða 50% starf. Næsti yfirmaður er sviðsstjóri fjölskyldusviðs Vesturbyggðar.
Skrifað: 29. október 2020
Meginverkefni
- Veita Muggsstofu forstöðu og sjá um daglegan rekstur samfélagsmiðstöðvarinnar
- Sinnir útlánum bókasafnsins og viðburðum í samvinnu við forstöðumann bókasafna í Vesturbyggð
- Skipuleggur og heldur utan um félagsstarf aldraðra á Bíldudal
- Ber ábyrgð á húsnæði miðstöðvarinnar og sinnir samskiptum við þá sem nýta samfélagsmiðstöðina, útdeilir aðstöðu og vinnurýmum
- Sér um að auglýsa starfsemi og þjónustu Muggsstofu sem og kynnir viðburði sem þar fara fram
Hæfniskröfur
- Stúdentspróf eða framhaldsmenntun er kostur
- Reynsla af sambærilegu starfi er kostur
- Íslenskukunnátta í ræðu og riti skilyrði
- Enskukunnátta æskileg
- Rík krafa um frumkvæði og framkvæmdagleði
- Sjálfstæði í störfum og góð skipulagshæfni
- Rík og góð samskiptahæfni og þjónustulund
- Jákvæðni og aðlögunarhæfni
- Góð tölvufærni og þekking á samfélagsmiðlum kostur
Umsóknarfrestur er til og með 10. nóvember 2020
Laun eru samkvæmt samningi Vesturbyggðar og viðkomandi stéttarfélags. Æskilegt er að viðkomandi geti hafið störf sem fyrst.
Nánari upplýsingar um starfið veitir Rebekka Hilmarsdóttir, bæjarstjóri og Arnheiður Jónssdóttir, sviðsstjóri fjölskyldusviðs.
Umsóknir ásamt upplýsingum um menntun, starfsferil og fleira skal senda netfangið vesturbyggd@vesturbyggd.is merkt: Umsókn – Muggsstofa á Bíldudal.
Öllum umsóknum verður svarað þegar ákvörðun hefur verið tekin um ráðningu í starfið.
Nafn samfélagsmiðstöðvar á Bíldudal, Muggsstofa er tilvísun til listamannsins og rithöfundarins Muggs (Guðmundar Péturssonar Thorsteinssonar) sem fæddur var á Bíldudal 1891 og er einna þekktastur er fyrir söguna af Dimmalimm.