Stóra upplestr­ar­keppnin 2023

Markmið keppninnar er að vekja athygli og áhuga í skólum á vönduðum upplestri og framburði. Upplesararnir eru allir nemendur í 7. bekkjum Bíldudalsskóla, Patreksskóla og Tálknafjarðarskóla. Undirbúningur keppninnar hefst á degi íslenskrar tungu ár hvert og lýkur með lokahátíð á vorin. Þátttakendur leggja sig alla fram við undirbúninginn svo upplesturinn verði sem bestur.

Höfundar ársins eru tveir og upplesararnir keppa í þremur umferðum. Í fyrstu umferð verður lesið upp úr skáldsögunni Víti í Vestmannaeyjum eftir Gunnar Helgason og í annarri umferð verða lesin upp ljóð eftir Ingibjörgu Haraldsdóttur. Í þriðju og síðustu umferð lesa nemendur upp ljóð að eigin vali.

Tónlistarskólinn verður með atriði og heitt verður á könnunni. Öll eru hjartanlega velkomin, þá sérstaklega aðstandendur upplesaranna.