Stóri plokk­dag­urinn 2025

Þetta er árlegur viðburður þar sem einstaklingar, hópar, félagasamtök og sveitarfélög taka höndum saman í þágu umhverfisins með því að plokka rusl í sínu nærumhverfi.

Hvers vegna að plokka?

• Frábær hreyfing fyrir alla aldurshópa.
• Einstaklingsmiðað.
• Hver ræður sínum hraða og tíma.
• Frábært fyrir umhverfið.
• Fegrar nærsamfélagið.

Til að hafa í huga

• Klæða sig eftir aðstæðum.
• Gæta fyllstu varúðar og brýna fyrir börnum að láta nálar og aðra hættulega hluti vera en tilkynna til forráðamanna svo mögulegt sé að fjarlægja þá.
• Ekki er verra að hlaða niður góðri hljóðbók, hlaðvarpi eða lagalista og kippa heyrnartólunum með.

Bíldudalur

Sækja má poka og hanska á Vegamót, Tjarnarbraut 2, á milli kl. 12:00 og 19:00.

Sorpinu verður safnað í sex kör sem dreift verður víðsvegar um bæinn. Körin verða staðsett sem hér segir og sjá má á yfirlitskorti hér að neðan:

• Við karabarinn, Tjarnarbraut 13
• Neðst í Tungunni
• Við íþróttamiðstöðina Byltu
• Á Dalbraut gagnstætt nr. 35
• Á Dalbraut við veg upp að vatnshúsi, við nr. 58a
• Við gatnamótin við Litlu-Eyri

Patreksfjörður

Sækja má poka og hanska í íþróttamiðstöðina Bröttuhlíð, Aðalstræti 55, á milli kl. 10:00 og 15:00.

Sorpinu verður safnað í sjö kör sem dreift verður víðsvegar um bæinn. Körin verða staðsett sem hér segir og sjá má á yfirlitskorti hér að neðan:

• Við áhaldahúsið, Þórsgötu 7
• Á Friðþjófstorgi
• Við gatnamót Mýra og Hóla
• Við íþróttamiðstöðina Bröttuhlíð, Aðalstræti 55
• Við gömlu Albínu
• Við hólagarðinn
• Milli nr. 15 og 19 á Brunnunum

Tálknafjörður

Grænfánanefnd Tálknafjarðarskóla og Vesturbyggð standa að plokkdeginum í Tálknafirði í sameiningu. Tálknfirðingar munu hittast á Lækjartorgi við hliðina á búðinni kl. 13:00 og skipta sér niður á svæði til að plokka. Gert er ráð fyrir að plokkinu verði lokið rétt fyrir kl. 14:00 og verður endað með því að bjóða upp á köku og drykki.