Sumarafleysing við Hafnir Vesturbyggðar
Hafnir Vesturbyggðar auglýsa eftir starfsmanni í afleysingar fyrir hafnarverði við Hafnir Vestubyggðar sumarið 2021. Um er að ræða afleysingar við hafnir í sveitarfélaginu í hlutastarfi á tímabilinu frá 25. maí 2021 til og með 31. ágúst 2021.
Skrifað: 13. apríl 2021
Starfsmaðurinn starfar við leiðsögn og öryggiseftirlit við höfn og sinnir verkefnum hafnarvarða, s.s. vigtun afla, samskipti við Fiskistofu, móttaka og röðun skipa í höfn, afgreiðsla vatns og rafmagns til skipa og tilfallandi viðhaldsvinnu. Starfsstöðin er á Patrekshöfn, en mögulegt er að sinna þurfi löndunum á Bíldudals- og Brjánslækjarhöfn
Laun og starfskjör eru samkvæmt gildandi kjarasamningum Sambands íslenskra sveitarfélaga við viðkomandi stéttarfélag.
Hæfniskröfur
- Réttindi sem löggiltur vigtarmaður eða að vera tilbúinn til að sækja námskeið til öflunnar slíkra réttinda og standast próf
- Reynsla af sambærilegu starfi kostur
- Góð tölvukunnátta
- Skipulögð vinnubrögð
- Sjálfstæði og frumkvæðni
- Lipurð í mannlegum samskiptum og góð þjónustulund
- Umsækjandi þarf að vera 20 ára eða eldri
Umsóknarfrestur er til og með 4. maí 2021
Umsóknir skulu vera skriflegar og skulu þær berast til Vesturbyggðar á netfangið elfar@vesturbyggd.is merkt: Umsókn – afleysing hafnarvörður.
