Sumarnámskeið 2022
Á sumrin stendur sveitarfélagið fyrir námskeiðum fyrir börn á Patreksfirði og Bíldudal. Lögð er áhersla á að börnin stundi útivist, kynnast náttúrunni, umhverfið, nýjum og klassískum leikjum og íþróttum.
Skrifað: 13. júní 2022
Á Patreksfirði og Bíldudal er umhverfis-, íþrótta- og leikjanámskeið í boði fyrir börn fædd 2012 – 2015 á eftirtöldum tímabilum, þessi tímabil eru
- Bíldudalur 22. júní – 1. júlí
- Patreksfjörður 5.-13. júlí
- Bíldudalur 14.-25. júlí
- Patreksfjörður 3. – 12 ágúst.
Umsjónarmaður námskeiða á bæði Patreksfirði og Bíldudal er hún Sigurlaug Anna.
Um er að ræða tvö námskeið á hvorum stað, annað er 8 dagar og hitt 9 dagar. Þau standa frá 12:00 til 15:00 dag hvern.
Gjald er tekið fyrir þá daga sem þjónustan er nýtt, þ.e. 1.500 krónur á dag.
Börnin taka með sér nesti og eru klædd eftir veðri. Takið eftir því að sömu lýðheilsuviðmið gilda um nesti á sumarnámskeiðum eins og nesti í grunnskólum.
