Sumarstörf - Yfirflokksstjóri og flokksstjóri hjá vinnuskóla
Leitað er að einstaklingum til starfa hjá vinnuskóla Vesturbyggðar sumarið 2024.
Skrifað: 8. mars 2024
Yfirflokksstjórar
Leitað er eftir kröftugum, áhugasömum, skipulögðum og skemmtilegum einstaklingi til að starfa í vinnuskóla Vesturbyggðar, annars vegar á Patreksfirði og hins vegar á Bíldudal sumarið 2024.
Um er að ræða 100% sumarstarf sem hentar öllum kynjum.
Í starfinu felst að skipuleggja sumarstarfið í samstarfi við áhaldahús og tómstundafulltrúa, leiðbeina ungmennum og vera í samskiptum við foreldra barna og unglinga.
Flokksstjórar
Óskað er eftir að ráða einstaklinga sem eiga gott með að vinna með öðrum, hafa frumkvæði, eru góðar fyrirmyndir, stundvísir, metnaðarfullir og samviskusamir. Starf flokksstjóra felst í að vinna með ungmennum.
Umsóknarfrestur er til og með 22. mars 2024
Um er að ræða sumarstörf og eru laun og starfskjör í samræmi við kjarasamninga Félags opinberra starfsmanna á Vestfjörðum og Samband íslenskra sveitarfélaga.
Frekari upplýsingar gefur Hafdís Helga Bjarnadóttir tómstundafulltrúi og tekur hún einnig á móti umsóknum.