Þessa dagana er hægt að sækja um styrki hjá ýmsum aðilum vegna uppbyggingar, rannsóknar- og þróunarverkefna, og margt fleira.
Skrifað: 25. október 2018
Framkvæmdasjóður ferðamannastaða
Hlutverk Framkvæmdasjóðs ferðamannastaða er að veita styrki til uppbyggingar, viðhalds og verndunar ferðamannastaða sem eru í eigu eða umsjón sveitarfélaga og einkaaðila um land allt og til aðgerða sem stuðla að öryggi ferðamanna og verndun náttúru landsins. Einnig er sjóðnum ætlað að fjölga viðkomustöðum ferðafólks til að draga úr álagi á fjölsótta ferðamannastaði.
Umsóknarfrestur er til kl. 13:00 mánudaginn 29. október 2018.
Uppbyggingarsjóður Vestfjarða
Hlutverk sjóðsins er að styðja atvinnusköpun og menningu á Vestfjörðum í samræmi við sóknaráætlun Vestfjarða. Einkum verður horft til samvinnu yfir hreppamörk og verkefni sem laða að ungt fólk.
Umsóknarfrestur er til 10. nóvember 2018.
AVS rannsóknasjóður
AVS rannsóknasjóður veitir styrki til rannsókna- og þróunarverkefna, sem auka verðmæti sjávarfangs. Skammstöfunin AVS er einmitt til kominn af orðunum „Aukið Verðmæti Sjávarfangs“ Styrkir eru veittir til verkefna sem taka á öllum þáttum sjávarútvegs og fiskeldis.
Styrkir AVS rannsóknasjóðs eru til hagnýtra rannsókna og ætlaðir einstaklingum, fyrirtækjum, rannsókna-, þróunar- og háskólastofnunum.
Umsóknarfrestur er til 1. desember 2018.