Athugið að þessi færsla var skrifuð fyrir meira en 2 ári síðan, og því gæti innihald hennar ekki átt við lengur.
Viðurkenning Jafnvægisvogarinnar 2021
Vesturbyggð hlaut í gær viðurkenningu Jafnvægisvogar FKA árið 2021. Tilkynnt var um viðurkenningarhafa á stafrænni ráðstefnu FKA í beinni útsendinu á ruv.is
Skrifað: 15. október 2021
Jafnvægisvogin er samstarfsverkefni Félags kvenna í atvinnulífinu, forsætisráðuneytisins, Sjóvá, Deloitte, Pipar/TBWA og Morgunblaðsins.
Verkefninu var komið á fót á árinu 2017 og hefur náð að festa sig í sessi sem mikilvægur þáttur í því að vekja fyrirtæki, stofnanir og sveitarfélög til umhugsunar um virði fjölbreytileika og jafnvægis með auknum jöfnuði kynja í stjórnunarstöðum.
Eliza Reid forsetafrú flutti ávarp og veitti viðurkenningar Jafnvægisvogarinnar 2021. Friðbjörg Matthíasdóttir tók við viðurkenningunni fyrir hönd Vesturbyggðar.