Athugið að þessi færsla var skrifuð fyrir meira en 5 ári síðan, og því gæti innihald hennar ekki átt við lengur.
Vilt þú hafa áhrif? – Endurskoðun Aðalskipulags Vesturbyggðar 2018-2030
Hefur þú áhuga á að vinna að endurskoðun aðalskipulags í Vesturbyggð?
Aðalskipulag er skipulagsáætlun sem nær til alls lands sveitarfélagsins og þar er sett fram stefna um framtíðarnotkun lands og fyrirkomulag byggðar.
Skrifað: 10. ágúst 2018
Óskað er eftir aðilum sem eru tilbúnir að sitja í stýrihópum vegna endurskoðunar aðalskipulags, en hópunum er skipt niður eftir eftirfarandi málefnum:
Atvinnulíf og samgöngur
Orku og auðlindamál
Byggð, menning og samfélag
Umhverfismál og náttúruvernd
Þeir sem hafa áhuga á að taka þátt skulu senda póst á undirritaða fyrir 24.ágúst n.k. og tilgreina í hvaða hóp þau vilja starfa í. Áætlað er að halda ca. 3 fundi í hverjum hóp þar sem málefnin eru rædd.