Bæjarráð #647

Fundargerð síðasta fundar lögð fram til kynningar.

Friðbjörg Matthíasdóttir formaður
Ásgeir Sveinsson varaformaður.
Samþykkt samhjóða.

Hrafnhildur Bára Erlingsdóttir tilnefnd sem varamaður í yfirkjörstjórn Vesturbyggðar fh. Samstöðu í stað Helga Árnasonar sem féll frá á vordögum.

Lögð fram viðhorfskönnun sem gerð var meðal foreldra í Patreks-og Bíldudalsskóla nú á vordögum. Bæjarstjóra falið að kanna með kostnað vegna lengdrar viðverðu í Patreksskóla.
Könnun vísað til frekari umræðu í fræðslunefnd.

Lagt fram bréf dags. 12. júní sl. frá Tónlistarskólanum á Akureyri varðandi rafgítarnám Magna Smárasonar við skólann. Óskað er samþykkis lögheimilissveitarfélags á greiðslu mótframlags með námi hans. Bæjarráð samþykkir erindið og felur bæjarstjóra að sækja um framlag frá Jöfnunarsjóði sveitarfélaga.

Lagt fram bréf frá Dögun Capital þar sem kannað er hvort Vesturbyggðar sé tilbúin að koma að fjármögnun byggingar hótels á Rauðasandi. Bæjarráð Vesturbyggðar fagnar hugmyndum um uppbygginu í ferðaþjónustu á svæðinu. Erindinu er hafnað enda það ekki verkefni sveitarfélagsins að koma að fjármögnun verkefna. Bæjarráð Vesturbyggðar bendir bréfritara á ATVEST vegna aðstoðar við fjármögnun og gerð styrkumsókna.

Lögð fram styrkbeiðni vegna Vestfjarðavíkingsins 2012 sem haldinn verður á sunnanverðum Vestfjörðum í byrjun júlí nk. Bæjarráð samþykkir umsókn Vestfjarðavíkingsins að upphæð 40 þúsund krónur auk gistingu í Patreksskóla.

Lögð fram verðhugmynd frá Jóhönnu Gísladóttur vegna Stekka 23a. Bæjarráð óskar eftir verðmati löggilts fasteignasala á eigninni og felur bæjarstjóra að kalla eftir því. Afgreiðslu máls frestað þar til verðmat liggur fyrir.

Lagt fram erindi frá Hollvinafélagi sundlaugarinnar í Reykjafirði vegna ákvæðis í afsali sundlaugarhúss. Bæjarráð samþykkir að c. liður í fylgiskjali I: "Eignabönd og afnotaréttur almennings" falli niður þ.e. að við slit Hollvinafélags sundlaugarinnar í Reykjafirði færist eignarhald sundlaugarhússins til Vesturbyggðar og verði í stað þess í samræmi við samþykkir Hollvinafélagsins sem eru að eignir færist til Björgunarsveitarinnar Kóps á Bíldudal ef félaginu verði slitið.

Þórir Sveinsson skrifstofustjóri kom inn á fundinn. Lögð fram fjárhagsleg staða fyrstu 4 mánuði ársins og spá fyrir rekstrarárið 2012.

Rætt um aðgengismál og göngustíga í Vesturbyggð.
Bæjarstjóra falið að kanna kostnað við gerð göngustíga frá Strandgötu að Aðalstræti og á Stekkum.

Lagt fram boð á Fjármálaráðstefnu sveitarfélaga 2012, dagana 27.-28. september nk.