Bæjarráð #700

Lagður fram tölvupóstur frá Arnóri Magnússyni, umdæmisstjóra ISAVIA varðandi flugstöðina á Patreksfirði. Bæjarstjóra falið að svara ISAVIA í samræmi við umræður á fundinum.

Lagðar fram rekstrarupplýsingar vegna fyrstu tveggja mánuða ársins 2014.
Skrifstofustjóri og bæjarstjóri upplýstu bæjarfulltrúa um vinnu við ársreikninga 2013. Áætlað er að leggja þá fram til fyrri umræðu á bæjarstjórnarfundi í apríl.

Lagt fram minnisblað frá bæjarstjóra vegna aflsáttarkjara til námsmanna með börn á leikskólum. Ákvörðun frestað til næsta fundar.

Bæjarráð Vesturbyggðar samþykkir eftirfarandi reglur:
Námsmenn fá 25% afslátt af vistunargjaldi. Skilyrðin fyrir afsláttarkjörunum eru þau að foreldar séu skráðir í sambúð og uppfylli eftirfarandi skilyrði:
? Séu í háskólanámi og skráð í að lágmarki 22 ECTS einingar á önn. Taka þarf fram á vottorði frá skóla að um fullt nám sé að ræða;
? Séu í framhaldsskóla og skráð í fullt nám að lágmarki 15 einingar á önn. Skila skal skólavottorði fyrirfram fyrir hverja önn þar sem fram koma upplýsingar um einingafjölda og staðfesting á því að um fullt nám sé að ræða.
? Sé nám sem tekið er gilt er það sama og nám sem lánshæft er hjá LÍN.
Eignist hjón eða sambúðarfólk, sem notið hafa námsmannaafsláttar, barn, geta þau sótt um að fá námsmannaafslátt á meðan fæðingarorlof stendur, þó að hámarki í níu mánuði þrátt fyrir að annað foreldrið uppfylli ekki framangreind skilyrði um lágmarksfjölda eininga á önn enda fylgi umsókn staðfesting frá fæðingarorlofssjóði um að það foreldri sem ekki uppfyllir skilyrði námsmannaafsláttar sé í fæðingarorlofi. Afsláttur reiknast frá þeim degi sem skólavottorðum er skilað til leikskólastjóra leikskóla barnsins.

Arnheiður Jónsdóttir og Ásthildur Sturludóttir, véku af fundi vegna tengsla.
Lagt fram erindi frá þjóðbúningafélaginu Auði þar sem óskað er eftir stuðningi við félagið til að kosta ferðakostnað kennara vegna þjóðbúninganámskeiðs í Vesturbyggð. Nú eru 16 konur frá Vesturbyggð og Tálknafirði á námskeiði en 10 konur luku við gerð búninga á haustmisseri. Bæjarráð samþykkir 60 þúsund króna styrk til félagsins.

Lagt fram minnisblað vegna friðlýsingar Vatneyrarbúðar. Bæjarráð samþykkir að óska eftir við Minjastofnun, friðlýsingu Vatneyrarbúðar. Bæjarstjóra falið að senda bréf þar að lútandi.

Lögð fram styrkbeiðni vegna Samfés 2014 frá félagsmiðstöðinni Vestend á Patreksfirði. Bæjarráð samþykkir 50 þúsund kr. styrk til Félagsmiðstöðvarinnar Vest End á Patreksfirði.

Erindi fært í trúnaðarmálabók.

Lögð fram styrkbeiðni vegna Skjaldborgarhátíðar 2014.
Bæjarráð samþykkir 200 þúsund króna styrk til hátíðarinnar auk afsláttarkjara í sundlaugina á Patreksfirði.

Lögð fram styrkbeiðni vegna Rauðasandshátíðar 2014.
Bæjarráð samþykkir styrk að andvirði 200 þúsund kr. til hátíðarinnar.

Lögð fram styrkumsókn frá Hollvinum Húna vegna strandmenningarhátíð í OSlo. Bæjarráð samþykkir 20 þúsund kr. styrk.

Lagt fram erindi frá BSVest vegna á leigu á sértæku húsnæðisúrræði fatlaðs fólks þar sem óskað er eftir heimild Vesturbyggðar að samþykkja samning BSvest og Ísafjarðarbæjar um ábyrgð á leigu á sértæku húsnæðisúrræði. Bæjarráð samþykkir erindið en leggur áherslu á að gerð verði greining á þjónustu og íbúðaþörf aðildarsveitarfélaga þjónustusvæðis BSVest.

Lagt fram minnsblað frá skrifstofustjóra varðandi sölu á JP625, Nissan Double Cab, árg. 2002, bifreið áhaldahússins á Bíldudal. Þrjú tilboð bárust í bíl áhaldahússins á Bíldudal. Tilboðsfrestur rann út 19. febrúar sl.
1. 280 þúsund frá Ingimar Oddssyni fh. félagsins Bíldalíu-félags um gerð ævintýralands á Vestfjörðum.
2. 240 þúsund frá Benedikt Hreggviðssyni.
3. 170 þúsnd frá Árna Gunnari Bárðarsyni.

Bæjarráð samþykkir að taka tilboði Ingimars Oddssonar fh. félagsins Bíldalíu, kr. 280 þúsund. Skrifstofustjóra falið að ganga frá sölunni.

Lögð fram til kynningar auglýsing frá UMFÍ varðandi framkvæmd og undirbúning 6 landsmóts 50+ árið 2016.

Lögð fram styrkumsókn frá Slysavarnardeildinni Unni vegna landsþings kvennadeilda 2014.
Bæjarráð tekur jákvætt í erindið og óskar eftir fundi með forsvarsmönnum Slvd Unnar um málið

Lögð fram styrkumsókn frá Skotíþróttafélagi Vestfjarða til unglingastarfs. Bæjarráð samþykkir 50 þúsund króna styrk til félagsins.

Lögð fram beiðni um umsögn frá Menntamálanefnd Alþingis varðandi uppá landi, mál nr. 277.

Lögð fram til kynningar fundargerð verkefnahóps BS Vest frá 12. mars 2014.

Lagt fram til kynningar bréf frá Umhverfisstofnun varðandi vottun starfsleyfishafa á fyrirtækjasíður.

Lagt fram aðalfundarboð frá Lánasjóði sveitarfélaga, 27. mars nk. Bæjarstjóri fer með umboð Vesturbyggðar á fundinum.

Lögð fram beiðni um umsögn um kaup ríkisins á Grímsstöðum á Fjöllum, mál nr. 276.