Bæjarráð #835

Lagt fram yfirlit ásamt fylgiskjölum um fjölda kjósenda á kjörskrá í Vesturbyggð í sveitarstjórnarkosningunum 26. maí nk. Alls eru kjósendur 698 þar af 364 karlar og 334 konur.
Bæjarráð vísar kjörskrá 2018 til afgreiðslu í bæjarstjórn miðvikudaginn 16. maí nk.

Rætt um nýframkvæmdir og viðhaldsverkefni sumarsins m.a. sparkvöll við Patreksskóla, viðhald gatna og gangstétta, hafnarframkvæmdir og kaup á nýrri slökkvibifreið. Elfar St. Karlsson, forstm. tæknideildar og Davíð R. Gunnarsson, slökkviliðsstjóri sátu fundinn undir þessum lið dagskrár.
Bæjarráð felur bæjarstjóra að panta nýja slökkvibifreið samkvæmt fjárhagsáætlun ársins og fyrirliggjandi tilboði frá Feuerwehrtechnik Berlin.
Lögð fram kostnaðaráætlun við þjónustuhús við „Kamb“ íbúðir aldraða, Aðalstræti 4, Patreksfirði.
Bæjarráð felur bæjarstjóra að vinna áfram að málinu.

Rætt um ráðningu nýs byggingarfulltrúa í Vesturbyggð, en Árni Traustason hefur látið af störfum sem byggingarfulltrúi sveitarfélagsins vegna aldurs.
Bæjarráð leggur til við bæjarstjórn að Elfar St. Karlsson, forstm. tæknideildar verði ráðinn nýr byggingarfulltrúi Vesturbyggðar.

Lagt fram tölvubréf dags. 8. maí sl. frá Ingveldi Hjartardóttur f.h. nokkurra kvenna á Patreksfirði með ábendingu um að endurvekja á Patreksfirði hátíðarhöld á þjóðhátíðardaginn 17. júní.
Bæjarráð tekur jákvætt í erindið og óskar eftir nánari útfærslu á verkefninu.

Lagðar fram fundargerðir stjórnar Fjórðungssambands Vestfirðinga frá 20. apríl, 30. apríl og 2. maí sl.
Lagt fram til kynningar.

Lagt fram tölvubréf dags. 7. maí sl. frá Heilbrigðiseftirliti Vestfjarða ásamt fundargerð Heilbrigðisnefndar Vestfjarða frá 4. maí sl. og ársskýrslu embættisins fyrir árið 2017.
Lagt fram til kynningar.