Fundur haldinn í Svörtuloftum, fundarsal í ráðhúsi Vesturbyggðar, 11. ágúst 2020 og hófst hann kl. 16:00
Nefndarmenn
- Magnús Jónsson (MJ)
- Iða Marsibil Jónsdóttir (IMJ) aðalmaður
- Þórkatla Soffía Ólafsdóttir (ÞSÓ) formaður
Starfsmenn
- Gerður Björk Sveinsdóttir (GBS) sviðsstjóri fjármála- og stjórnsýslusviðs
Fundargerð ritaði
- Gerður Björk Sveinsdóttir sviðsstjóri fjármála- og stjórnsýslusviðs
Almenn erindi
1. Umsagnarbeiðni v. gistileyfi Hótel Látrabjarg
Lagður fram tölvupóstur ásamt fylgiskjölum dags. 21. júlí 2020 frá Sýslumanninum á Vestfjörðum með beiðni um umsögn vegna umsóknar um leyfi til sölu gistingar að Hótel Látrabjargi, Fagrahvammi, Örlygshöfn.
Bæjarráð gerir ekki athugasemd við veitingu leyfisins. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Terra ehf. eða aðra sambærilega aðila um förgun á sorpi sem fellur til við starfsemi veitingarstaðarins og gert sé ráð fyrir viðeigandi fjölda bílastæða.
Málsnúmer 2007051
2. Umsagnarbeiðni v. blústónleika í FHP
Lagður fram tölvupóstur ásamt fylgigögnum dags. 30.07.2020 þar sem óskað er eftir umsögn Vesturbyggðar um leyfi til að halda blústónleika í Félagsheimili Patreksfjarðar 28. - 29. ágúst nk.
Bæjarráð Vesturbyggð gerir ekki athugasemd við veitingu leyfisins með þeim fyrirvara að gildandi sóttvarnarreglur heimili viðburðinn.
Málsnúmer 2007060
3. Styrkur vegna fjöruhreinsunar Barðaströnd
Lagður fram tölvupóstur dags.30.07.2020 frá Elínu Eyjólfsdóttur þar sem óskað er eftir aðkomu Vesturbyggðar í formi gáms eða styrks til að losna við rusl úr fjörinni á Barðaströnd.
Bæjarráð tekur jákvætt í erindið og felur bæjarstjóra að vera í sambandi við bréfritara.
Málsnúmer 2007061
4. Blús milli fjalls og fjöru - Beiðni um styrk
Lögð fyrir styrkbeiðni dags. 6. júlí 2020 frá Páli Haukssyni fyrir hönd félagsins Blús milli fjalls og fjöru þar sem óskað er eftir stuðningi sveitarfélagsins í formi afnota af félagsheimilinu á Patreksfirði dagana 28. og 29. ágúst nk.
Bæjarráð samþykkir erindið með þeim fyrirvara að farið verði eftir gildandi sóttvarnarreglum og fjöldatakmarkanir virtar.
Málsnúmer 2007038
Til kynningar
5. Kerfisáætlun 2020-2029 - Landsnet
Lögð fram til kynningar umsögn Fjórðungssambands Vestfirðinga við Kerfisáætlun Landsnets 2020 - 2029.
Málsnúmer 2007057
6. Fundargerð nr. 180 - Breiðafjarðarnefnd
7. Álit um mat á umhverfisáhrifum - Framleiðsla á 4.000 tonnum af laxi í Arnarfirði á vegum Arctic Sea Farm
Lagt fram til kynningar álit skipulagsstofnunar á mati á umhverfisáhrifum vegna framleiðslu á 4.000 tonnum af laxi í Arnarfirði á vegnum Arctic Sea Farm.
Málsnúmer 2007050
Fundargerð
8.
Fasteignir Vesturbyggðar - 75
Lögð fram til kynningar fundargerð 75. fundar Fasteigna Vesturbyggðar sem haldinn var 15. júlí 2020. Fundargerðin er í 1 lið.
Málsnúmer 2006009F
Fleira ekki gert. Fundi slitið kl. 16:30