Bæjarráð #979

Upplýsingar um starfsemi í Verbúðinni og umræður um tillögur að frekari nýtingu húsnæðisins.

Bæjarráð hefur áhuga á að rýmið sem nú þegar er ekki í notkun á jarðhæð verbúðarinnar verði nýtt undir vinnustofur fyrir einstaklinga og felur bæjarstjóra og hafnarstjóra að útfæra hugmyndir um nýtingu og leggja fyrir hafna- og atvinnumálaráð.

Rætt um alvarlegt ástand vega innan Vesturbyggðar, þ.á m. milli byggðakjarna sveitarfélagsins.

Bæjarráð bendir á gríðarlega alvarlegt ástand vega á svæðinu vegna viðhaldsleysis og ónýtra vegakafla.
Bæjarráð varar við varasömu ástandi á vegum á sunnanverðum Vestfjörðum, þá einkum á Mikladal, Raknadalshlíð og Barðaströnd.
Bæjarstjóra falið að setja sig í samband við þingmenn kjördæmisins, umhverfis- og samgöngunefnd alþingis og Vegagerðina.

Lagður fyrir viðauki 1 við fjárhagsáætlun 2024. Viðaukinn er lagður fyrir vegna samnings við Brunavarnir Suðurnesja um eldvarnareftirlit á árinu 2024. Kostnaðurinn við samninginn eru 3.750.000 og tekjur á móti uppá 938.000 sem er hlutur Tálknafjarðarhrepps í samningnum. Samningurinn er undirritaður með fyrirvara um samþykki bæjarstjórnar Vesturbyggðar og sveitarstjórnar Tálknafjarðarhrepps.
Viðaukinn er fjármagnaður með lækkun á handbæru fé.

Viðaukinn hefur áhrif á handbært fé sem lækkar úr 53.794 þúsund í A huta og verður 50.982 þúsund. Í A og B hluta lækkar úr 113.607 þúsund í 110.795 þúsund.
Rekstrarniðurstaða í A hluta fer úr 25.146 þúsund í 22.334 þúsund. Í A og B huta fer rekstrarniðurstaðan úr 99.409 þúsund í 96.597 þúsund.

Bæjarráð samþykkir viðaukann og vísar honum áfram til staðfestingar bæjarstjórnar.

Lögð er fram áskorun til sveitarfélaga vegna yfirlýsingar ríkisstjórnarinnar og Sambands íslenskra sveitarfélaga vegna kjarasamninga 2024 ásamt stuðningsyfirlýsingu ríkisstjórnarinnar og Sambands íslenskra sveitarfélaga vegna kjarasamninga í mars 2024.

Bæjarráð lýsir yfir ánægju sinni með að kjarasamningar hafi náðst til lengri tíma, með það að markmiði að ná niður vöxtum og verðbólgu og skapa þar með skilyrði fyrri stöðuleika og aukinn fyrirsjáanlega. Bæjarráð samþykkir að leggja sitt af mörkum til að auka sátt á vinnumarkaði, m.a. með endurskoðun gjaldskráa ársins 2024 sbr. bókun bæjarráðs þann 9. janúar sl. og að skólamáltíðir verði gjaldfrjálsar frá og með ágúst 2024.

Bæjarráð felur bæjarstjóra að ræða við sveitarstjóra Tálknafjarðarhrepps um tillögur að gjaldskrárbreytingum vegna sameiningar sveitarfélaganna og leggja tillögurnar fyrir í viðauka við fjárhagsáætlun til samþykktar hjá bæjarstjórn.

Umsóknir Vesturbyggðar til Fiskeldissjóðs lagðar fram til kynningar.

Lagt fram til kynninga.

Lagt fyrir til kynningar álit reikningsskila- og upplýsinganefndar um hvernig færa skuli kröfu frá Brú lífeyrissjóði sem til er komin vegna tryggingafræðilegs endurmats sjóðsins og birt var sveitarfélögum í ársbyrjun 2024.

Að áliti nefndarinnar er rétt að færa fjárhæð sbr. ofangreint á breytingu lífeyrisskuldbindinga í rekstrarreikningi með mótfærslu á lífeyrisskuldbindingu í efnahag, þar sem um matsbreytingu er að ræða. Telur nefndin þessa framkvæmd í samræmi við 2. mgr. 13. gr. laga um ársreikninga nr. 3/2006.

Lagt fram til kynningar.

Fundargerð kynningarfundar fyrir landeigendur vegna gerðar stjórnunar- og verndaráætlunar fyrir látrabjarg var haldinn 19. febrúar sl.
Eftir kynningarfundinn tekur við 5 vikna opið kynningarferli þar sem öll áhugasöm geta skoðað drög að áætluninni og sent inn athugasemdir eða ábendingar.

Lagt fram til kynningar.
Vísað til umræðu í umhverfis- og skipulagsráði.

Lögð fram til kynningar fundargerð 10. verkfundur milli Kubbs, Vesturbyggðar og Tálknafjarðarhrepps sem haldinn var 5. mars 2024. Til aðgreiningar er viðbótartexti í nýjustu fundargerð bláletrað.

Lögð fram til kynningar 944. fundargerð stjórnar Sambands Íslenskra sveitarfélaga, sem haldinn var 23. febrúar 2024.

Lagt fram til kynningar.

Lagður fram tölvupóstur frá matvælaráðuneytinu dags. 29. febrúar sl. með ósk um umsögn um Aðgerðaráætlun landbúnaðarstefnu.

Lagt fram til kynningar.

Lagður fram tölvupóstur frá fjármála- og efnahagsráðuneytinu dags. 4. mars sl. með ósk um umsögn um frumvarp til laga um breytingu á lögum um virðisaukaskatt og lögum um kílómetragjald vegna notkunar hreinorku- og tengiltvinnbifreiða.

Lagt fram til kynningar.

Lagður fram tölvupóstur frá menningar- og viðskiptaráðuneytinu dags. 28. febrúar sl. með ósk um umsögn um drög að tillögu til þingsályktunar um ferðamálastefnu og aðgerðaráætlun til 2030.

Lagt fram til kynningar.

Lagður fram tölvupóstur frá menningar- og viðskiptaráðuneytinu dags. 24. febrúar sl. með ósk um umsögn um breytingu á lögum um opinber skjalasöfn.