Bæjarráð #5

Skipa þarf fulltrúa Vesturbyggðar í svæðisskipulagsnefnd Vestfjarða. Tillaga liggur fyrir að tilnefnd verði Lilja Magnúsdóttir sem verið hefur fulltrúi svæðisins í svæðisskipulagsnefnd og er jafnframt formaður nefndarinnar og Tryggvi B. Baldursson sem kæmi nýr inn sem fulltrúi Vesturbyggðar í svæðisskipulagsnefndinni.

Samþykkt samhljóða.

Tekin fyrir tillaga að breytingu að gjaldskrá fyrir skólamáltíðir í grunnskólum Vesturbyggðar. Lagt er til að liðurinn verði felldur út úr gjaldskrá og ekki verði innheimt gjald vegna mötuneyta í grunnskólum sveitarfélagsins.
Tillagan er í samræmi við bókun bæjarráðs af 3. fundi ráðsins 9. júlí sl.

Ekki þarf að taka fyrir viðauka við fjárhagsáætlun vegna breytingarinnar.

Bæjaráð samþykkir breytingu á gjaldskrá fyrir skólamáltíðir í grunnskólum Vesturbyggðar samhljóða.

Lögð fyrir drög að fjallskilaseðli 2024

Bæjarstjóra falið að vinna málið áfram með tilliti til athugasemda sem bárust 2023 og birta á heimasíðu sveitarfélagisns.

Farið yfir stöðu skólamötuneytis á Patreksfirði. Rekstur skólamötuneytis á Patreksfirði var boðinn út í júní, engin tilboð bárust og í kjölfarið var sett auglýsing á heimasíðu sveitarfélagins sem skilaði ekki tilsettum árangri.

Arnheiður Jónsdóttir sviðsstjóri fjölskyldusvið sat fundinn undir liðnum.

Umræða um skólamötuneytið á Patreksfirði. Útlit er fyrir það að ekki náist að fá nýjan verktaka til að taka að sér skólamötuneyti á Patrekfirði fyrir upphaf skólaárs 2024 - 2025. Unnið er að lausn málsins en leikskólinn Araklettur hefur séð um að elda fyrir leikskólabörn frá því að skólastarf hófst í leikskólanum eftir sumarfrí.

Farið yfir stöðu eigna í sveitarfélaginu.

Bæjarstjóra falið að leggja fram lista yfir eignir sveitarfélagsins með tilliti til notkunar þeirra.

Lögð fyrir til kynningar skýrsla um framtíð verndarsvæðis Breiðafjarðar.

Til samráðs Frumvarp til laga um breytingu á lögum um stöðu íslenskrar tungu og íslensks táknmáls
Umsagnarfrestur er til og með 16.08.2024

Til kynningar, samráð mál nr. 1432024 um drög að breytinu á reglugerð nr. 7452016 um vigtun og skráningu sjávarafla.

Lagðar fram til kynningar uppfærðar reglur um gerð fjárhagsáætlunar og dagsetningar í fjárhagsáætlunarvinnu 2024 vegna áætlunar 2025-2028.