Bæjarráð #10

Sigríður Kristjánsdóttir, framkvæmdastjóri Vestfjarðastofu mætti til fundarins og fór yfir helstu verkefni sem unnin eru í samstarfi sveitarfélaga á Vestfjörðum í gegnum Vestfjarðastofu.

Geir Gestsson sviðsstjóri umhverfis og framkvæmdasviðs kom inná fundinn og fór yfir þau tilboð sem bárust í byggingu Bíldudalsskóla.

Þrjú tilboð bárust í verkið.
Vinna stendur yfir við yfirferð tilboða.

Sviðsstjóra umhverfis- og framkvæmdarsviðs falið að fara yfir tilboðin og leggja aftur fyrir bæjarráð.

Hafnarstjóri kom inn á fundinn. Farið var yfir tillögur að breytingu á gjaldskrá hafnarsjóðs vegna breytinga á hafnarlögum nr. 61/2003.

Bæjarráð felur hafnarstjóra og bæjarstjóra að vinna áfram að breytingunum í samráði við umræður á fundinum og leggja að nýju fyrir bæjarráð.

Tekin fyrir breyting á lögheimili Hafnasjóðs Vesturbyggðar kt. 570595-2459. Lögheimili hafnasjóðs verður að Aðalstræti 75, Patrekfirði. Breytingin hafði áður verið tekin fyrir í hafnasjóði 7.9.2023 en það láðist að skila inn tilkynningu til fyrirtækjaskrár.

Bæjarráð samþykkir breytinguna og felur bæjarstjóra að skila breytingu þess efnis inn til fyrirtæjaskrár.

Lagður fram tölvupóstur frá Rúnari Erni Gíslasyni dags. 26. september sl. þar sem óskað er eftir styrk í formi aðstöðu, rafmagns og internets vegna stofnunar rafíþróttafélags á Bíldudal.

Bæjarráð þakkar bréfritara erindið og fagnar framtakinu.
Bæjarráð felur tómstundafulltrúa að setja sig í samband við bréfritara og vinna málið áfram.

Lögð fyrir beiðni Sýslumannsins á Vestfjörðum dags. 30. september sl. um umsögn um veitingaleyfi fyir Sjoppan Patró ehf.

Bæjarráð gerir ekki athugasemd við útgáfu rekstrarleyfis. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Kubb ehf. eða aðra sambærilega aðila um förgun á sorpi sem fellur til við starfsemina og gert sé ráð fyrir viðeigandi fjölda bílastæða.

Lögð fyrir styrkbeiðni vegna málþings um málefni skógarbænda á Laugum í Sælingsdal þann 12. október nk.

Bæjarráð samþykkir að styrkja málþingið um kr 25.000,-

Rætt um áningastaði sem bæjarráð leggur til að Vestfjarðastofa leggi áherslu á umsókn sinni til Framkvæmdasjóðs ferðamannastaða sem eru á Vestfjarðaleið.

Bæjarráð felur menningar og ferðamálafulltrúa að vinna greinagerð í samræmi við umræður á fundinum og senda á Vestfjarðastofu.

Lagt fyrir verðmat í eignirnar Móatún 18 á Tálknafirði og Urðargötu 23 n.h á Patreksfirði.

Bæjarráð leggur til að eignirnar Móatún 18 og Urðargata 23 nh. verði settar á sölu og felur bæjarstjóra að vinna að viðauka og leggja fyrir næsta fund bæjarstjórnar.

Lögð fyrir til umsagnar drög að svæðisáætlun um meðhöndlun úrgangs á Vestfjörðum 2024 - 2035.

Lilja Magnúsdóttir fulltrúi Vesturbyggðar í starfshópnum um svæðisáætlun um meðhöndlun úrgangs á Vestfjörðum fór yfir skýrsluna með bæjarráði.

Bæjarráð felur bæjarstjóra að vinna málið áfram og skila inn athugasemdum.

Lögð fram til kynningar úrskurður umhverfis- og auðlindamála í máli nr. 53/2024, kæra vegna óhæfils dráttar á afgreiðslu Tálknafjarðarhrepps á erindum kærenda varðandi gjaldtöku vegna sorphirðu.

Lagðar fram til kynningar 223. 224. og 225 fundargerðir Breiðafjarðarnefndar

Lögð fram til kynningar 952. fundargerð Sambands íslenskra sveitarfélaga.

Lögð fram til kynningar 148. fundargerð Heilbrigðisnefndar Vestfjarðasvæðis sem haldinn var 19. sept sl. Fjárhagsáætlun HEVF 2025 og leiðrétt fjárhagsáætlun.

Lagðar fyrir til kynningar tillögur starfshóps heilbrigðisráðherra til jöfnunar á aðgengi að sérfræðiþjónustu á heilbrigðissviði óháð búsetu.

Lögð fram til kynningar fundargerð 63. fundar stjórnar Vestfjarðastofu.

Lagt fyrir til kynningar bréf eftirlitsnefndar um fjármál sveitarfélaga þar sem vakin er athygli á því að sameinaður ársreikningur Vesturbyggðar og Tálknafjarðarhrepps fyrir árið 2023 uppfyllir ekki þau lágmarksviðmið sem kveðið er á um í lögum. Þó er bent á að bráðabirgðaákvæði VII í sveitarstjórnarlögum nr. 138/2011 þar sem fram kemur að sveitarstjórn sé heimilt að víkja frá skilyrðum um jafnvægisreglu út árið 2025.