Bæjarráð #12

Drög að málstefnu sveitarfélagsins, byggðri á 130. gr. sveitarstjórnarlaga um málstefnu, málstefnum annarra sveitarfélaga og leiðbeiningum Íslenskrar málnefndar.

Menningar- og ferðamálafulltrúi Vesturbyggðar sat fundinn undir liðnum.

Bæjarráð samþykktir málstefnuna og felur menningar- og ferðamálafulltrúa að kynna stefnuna fyrir stjórnendum sveitarfélagsins.

Lagt fram bréf frá Héraðssambandinu Hrafna-Flóka varðandi almenninngssamgöngum í Vesturbyggð þar sem sambandið óskar eftir lausn frá aðild sinni frá og með næstu mánaðarmótum.

Bæjarráð frestar afgreiðslu málsins þar til frekari gögn liggja fyrir og felur bæjarstjóra að vinna málið áfram

Lagður fram tölvupóstur frá Sambandi íslenskra sveitarfélaga dags. 14. október sl. með samantekt um kostnaðarþáttöku fyrir samstarf sveitarfélaga um stafræna þróun og umbreytingu.

Bæjarráð vísar málinu áfram til vinnslu fjárhagsáætlunar.

Lagður fram undirskriftarlisti frá íbúum Tálknafjarðarhrepps er varðar opnunartíma í íþróttamiðstöðunni í Tálknafirði.

Bæjarráð felur bæjarstjóra að afla gagna varðandi aðsókn í íþróttahús Vesturbyggðar.
Bæjarráð vísar málinu áfram til vinnslu fjárhagsáætlunar.

Lagt fram minnisblað menningar- og ferðamálafulltrúa Vesturbyggðar þar sem farið er yfir mögulegar leiðir sem hægt er að fara við val á byggðamerki fyrir nýtt sveitarfélag. Til þessa hefur verið leitast til að nota bæði byggðamerki fyrri sveitarfélaganna í öllu útgefnu efni.

Menningar- og ferðamálafulltrúi Vesturbyggðar sat fundinn undir liðnum.

Menningar- og ferðamálafulltrúa falið að taka saman minnisblað varðandi kostnað og skila inn til bæjarráðs.

Kristín Andrea Þórðardóttir og Alda Davíðsdóttir fulltrúar skipuleggjenda skjaldborgarhátíðarinnar komu inná fund bæjarráðs þar sem málefni Skjaldborgarhátíðarinnar voru rædd.

Menningar- og ferðamálafulltrúi Vesturbyggðar sat fundinn undir liðnum.

Bæjarráð þakkar Kristínu og Öldu fyrir góða kynningu og mun vinna að endurnýjun samstarfssamnings. Bæjarráð vísar þeirri vinnu áfram til vinnslu fjárhagsáætlunar.

Lög fram til umsagnar drög að sóknaráætlun Vestfjarða fyrir árin 2025 - 2029.

Bæjarráð þakkar Vestfjarðastofu fyrir góða vinnu við gerð sóknaráætlunar.

Farið yfir stöðu mála vegna uppbyggingar hjúkrunarrýma við Heilbrigðisstofnun Vestfjarða á Patreksfirði.

Lagðar fram til kynningar forsendur fjárhagsáætlunar 2025 - 2028 unnið af Sambandi Íslenskra sveitarfélaga.

Kynntar verða tvær umsóknir sem voru sendar inn, annars vegar um uppbyggingu aðstöðuhúss við Laugarneslaug og hins vegar um hönnun útsýnispalls á Strengfelli.

Menningar- og ferðamálafulltrúi Vesturbyggðar set fundinn undir liðnum.

Lagt fram til kynningar bréf dags. 03. október sl. frá innviðaráðuneytinu þar sem vakin er athygli á degi um fórnarlömb umferðaslysa.

Lögð fram til kynningar verkfundargerð nr. 5. Verkið er að klárast og eru fyrirhuguð verklok í viku 42.

Lögð fram til kynningar 226. fundargerð Breiðafjarðarnefndar frá 09.09.2024