Bæjarstjórn #2

Lagðar fyrir niðurstöður könnunar meðal íbúa um nafn á Sameinað sveitarfélag. Á 1. fundi bæjarstjórnar var ákveðið að unnin yrði skoðanankönnun meðal íbúa um nafn á nýtt sveitarfélag þar sem kosið yrði á milli nafnanna:

Barðsbyggð
Kópsbyggð
Látrabyggð
Suðurfjarðabyggð
Tálknabyggð
Vesturbyggð

Könnunin fór fram í gegnum vefinn betraisland.is

347 manns greiddu atkvæði í könnuninni og eru niðurstöður þannig að 90,5% völdu nafnið Vesturbyggð. Það nafn sem fékk næstflest atkvæði var nafnið Suðurfjarðabyggð sem fékk 5,5% atkvæða.

Lagt er til að nafn Sameinaðs sveitarfélags Tálknafjarðarhrepps og Vesturbyggðar verði Vesturbyggð.

Til máls tók: Forseti

Samþykkt með sex atkvæðum, Jóhann Örn Hreiðarsson sat hjá við atkvæðagreiðslu.

Gerður Björk Sveinsdóttir starfandi bæjarstjóri vék af fundi undir liðnum.

Lagt er til að Gerður Björk Sveinsdóttir starfandi bæjarstjóri Sameinaðs sveitarfélags Tálknafjarðarhrepps og Vesturbyggðar verðin ráðin í embætti bæjarstjóra Sameinaðs sveitarfélags. Formanni bæjarráðs verði falið að ganga frá ráðningasamningi sem lagður verði fyrir bæjarráð til staðfestingar, í samræmi við heimild til fullnaðarafgreiðslu skv. 32. gr. samþykktar um stjórn Sameinaðs sveitarfélags Tálknafjarðarhrepps og Vesturbygðar.

Til máls tóku: Forseti og PV.

Samþykkt samhljóða.

Gerður Björk Sveinsdóttir kom aftur inná fundinn.

Lagðar fyrir til samþykktar siðareglur kjörinna fulltrúa Sameinaðs sveitarfélags Tálknafjarðarhrepps og Vesturbyggðar.

Til máls tók: Forseti

Samþykkt samhljóða

Lögð fram til samþykktar erindisbréf fyrir bæjarráð, fjölskylduráð, skipulags- og framkvæmdaráð, loftlags- og umhverfisráð og heimastjórnir.

Til máls tók: Forseti

Erindisbréfin eru samþykkt samhljóða.

Lögð fram tillaga um að gjaldskrár Vesturbyggðar og Tálknafjarðarhrepps haldi gildi sínu út fjárhagsárið 2024. Gjaldskrárnar voru samræmdar að mestu leyti við vinnu fjárhagsáætlunar fyrir árið 2024. Ef vafi leikur á um hvor gjaldskráin eigi að gilda þá gildir gjaldskrá Vesturbyggðar.

Til máls tók: Forseti

Tillagan er samþykkt samhljóða.

Lagt fram yfirlit yfir samþykktir og reglur sem gilda munu í Sameinuðu sveitarfélagsi Tálknafjarðarhrepps og Vesturbyggðar þar til ákvörðun hefur verið tekin um annað.

Til máls tók: Forseti

Samþykkt samhljóða.

Lögð fram tillaga um sumarleyfi bæjarstjórnar 2024. Með vísan til 3. mgr. 8. gr. og 2. mgr. 32. gr. samþykktar um stjórn Sameinaðs sveitarfélags Tálknafjarðarhrepps og Vesturbyggðar nr. 410/2024, er lagt til að sumarleyfi bæjarstjórnar verði frá 20. júní til og með 20. ágúst nk. og á þeim tíma hafi bæjarráð heimild til fullnaðarafgreiðslu skv. 32. gr. samþykktar um stjórn Sameinaðs sveitarfélags Tálknafjarðarhrepps og Vesturbygðar. Næsti fundar bæjarstjórnar er 21. ágúst nk.

Til máls tók: Forseti

Samþykkt samhljóða

Fyrir liggur tillaga um að bæjarráði verði falin fullnaðarafgreiðsla skv. 32. gr. samþykkta um stjórn Vesturbyggðar nr. 410/2024 til að skipa í þau ráð og nefndir sem ekki hefur verið skipað í af bæjarstjórn.

Til máls tók: Forseti

Samþykkt samhljóða

Lögð fram til kynningar fundargerð 1. fundar bæjarráðs, fundurinn var haldinn 11. júní 2024. Fundargerðin er í 21 lið.

Til máls tók: Forseti