Fasteignir Vesturbyggðar #72

Sviðsstjóri umhverfis- og framkvæmdasviðs fór yfir viðhaldsþörf fyrir eignir Fasteigna Vesturbyggðar og tillögur í fjárhagsáætlun 2020 - 2024.

Stjórn mælir með því að mætt verði þeirri fjárþörf sem er til viðhaldsverkefna í Sigtúni 29 -35, skv. minnisblaði sviðsstjóra umhverfis- og framkvæmdasviðs, við gerð fjárhagsáætlunar Vesturbyggðar. Þá mælir stjórn með því að framlag verði veitt til eðlilegs viðhalds annarra eigna félagsins.

Sviðstjóri fjármála- og stjórnsýslusviðs fór yfir stöðu áhvílandi lána á eignum félagsins sem og leigufjárhæðir.

Stjórn samþykkir tillögur í minnisblaði sviðsstjóra fjármála- og stjórnsýslusviðs að leiðrétt verði leigufjárhæð á fermeter í íbúðum að Aðalstræti 4 í samræmi við núverandi gjaldskrá og einnig að farið verði í endurfjármögnun lána á eignunum. Framkvæmdastjóra falið að upplýsa leigjendur Aðalstræti 4 um leiðréttingu húsaleigu.

Stjórn leggur ekki til hækkun á stofni leigufjárhæðar skv. gjaldskrá Fasteigna Vesturbyggðar á árinu 2020 í tengslum við lífskjarasamninga 2019 - 2022.

Framkvæmdastjóri lagði fram drög að uppfærðum samþykktum félagsins. Framkvæmdastjóra falið að vinna áfram að málinu í samræmi við umræður á fundinum.

Stjórn samþykkir að fengið verði nýtt verðmat fyrir eignir félagsins og óskað verði eftir endurskoðun á brunabótamati. Framkvæmdastjóra falið að vinna áfram að málinu.

Stjórn áhugasöm um tilraunaverkefnið og framkvæmdastjóra falið að hefja viðræður við Íbúðalánasjóð um aðkomu félagsins.

Lögð fram til kynningar drög að húsnæðisáætlun Vesturbyggðar.