Fjölskylduráð #5

Teknar til umfjöllunar tillögur fjölskylduráðs um aðgerðir til að mæta styttingu vinnuviku ófaglærðs starfsfólks í leikskólum úr 40 stundum í 36 stundir.

Fjölskylduráð leggur til við bæjarstjórn að teknir verði upp svo kallaðir skráningardagar í leikskólum í kringum jól, páska og vetrarfrí í skólum. Á árinu 2025 verði þeir alls 12.

Breytingar verði gerðar á gjaldskrá leikskóla þannig að dvalargjald verði eitt í stað klukkustundagjalds. Mánaðargjald í leikskóla verði lækkað um 10% árið 2025. Matargjald haldist óbreytt milli ára.

Opnunartími leikskóla helst óbreyttur en almennur dvalartími verði til kl. 14 á föstudögum. Hægt verði að skrá börn í lengri tíma gegn gjaldi.

Afsláttur af leikskólagjöldum verði tekjutengdur en í stað þess verði tekinn út afsláttur vegna einstæðra foreldra og námsmanna.

Kynning á starfsáætlun og skóladagatali Tónlistarskóla Vesturbyggðar fyrir veturinn 2024-´25. Kristín Mjöll Jakobsdóttir, skólastjóri Tónlistarskóla Vesturbyggðar tók sæti á fundinum og kynnti.

Lögð fram til kynningar málstefna Vesturbyggðar. Í stefnunni er kveðið á um að vandað, skýrt og auðskilið mál skuli vera lykilatriði í allri þjónustu og stjórnsýslu sveitarfélagsins. Þar skuli íslenska ávallt vera í öndvegi. Stefnan byggir á grundvallaratriðum um jafnræði, virðingu, traust, gagnsæi, gott aðgengi að upplýsingum og virkum samskiptum. Hún gildir á öllum starfsstöðvum og stofnunum sveitarfélagsins.

Kynning á samningi um samstarf á sviði endurhæfingar milli Tryggingastofnunar, felagsþjónustu sveitarfélaga, VIRK - starfsendurhæfingarsjóðs, Vinnumálastofnunar og heilsugæslustöðva.

Kynning á starfi tengiráðgjafa Vestfjarða í verkefninu Gott að eldast. Tengiráðgjafi hóf störf í byrjun maí 2024 og hefur kortlagt virkniúrræði sveitarfélaga, komið á samtali við hagaðila og verið málsvari verkefnisins hér á Vestfjörðum.