Fræðslu- og æskulýðsráð #67

Lagt fyrir bréf frá Umboðsmanni Barna dagsett 26. ágúst 2020. Í bréfinu hvetur Umboðsmaður Barna sveitarfélög til að skipa í Ungmennaráð eingöngu ungmenni undir kosningaaldri til að tryggja að sjónarmið barna fái vægi í töku ákvarðana og mótun stefnu í málefnum sem varða þau.

Fræðslu- og æskulýðsráð harmar að ekki hafi náðst að skipa í Ungmennaráð í langan tíma og felur Íþrótta- og tómstundafulltrúa að leggja fyrir næsta fund Fræðslu- og æskulýðsráðs tilnefningar í ráðið.

Lagt fyrir fundinn bréf Davíðs Þorgils Valgeirssonar dagsett 09.11.2020. Þar fer Davíð fram á umræðu í ráðinu um skólamál á Barðaströnd.

Fræðslu- og æskulýðsrað óskar eftir upplýsingum um skólamál og skólaakstur á Barðaströnd.

Fræðslu- og æskulýðsráð fagnar ákvörðun um að framkvæma ytra mat á leiskólanum Arakletti árið 2021. Ráðið felur leikskólastjóra og sviðstjóra Fjölskyldusviðs að vinna umsóknina.

Starfsáætlun Íþróttaskóla 2020-2021 lögð fyrir og samþykkt.

Ráðið vill að kannað verði hvort gerlegt sé að bæta við tíma í íþróttaskóla fyrir elsta árgang leikskólum Vesturbyggðar.

Starfsáætlun Félagsmiðstöðva á sunnanverðum Vestfjörðum 2020-2021 lögð fyrir og samþykkt.

Ráðið ítrekar fyrri ábendingar um úrbætur á hljóðvist og brunavörnum í Vest-End Patreksfirði.