Hafnarstjórn #129

Lagt fram erindi frá Jóni Þórðarsyni vegna minnisvarða á hafnarsvæði á Bíldudal. Hafnarstjóra falið að boða Jón Þórðarson á fund með hafnarstjórn til að ræða frekari útfærslu
.

Hafnarstjóri fór yfir hafnarframkvæmdir og upplýsti að þeim væri lokið.

Lagt fram til kynningar bréf frá Fjarðalax ehf. þar sem upplýst er um að fyrirhugað sé að staðsetja ból innarlega í Bíldudalsvog, utan hafnarsvæðis. Óskað er eftir ábendingum vegna þessa fyrirætlana.
Hafnarstjórn þakkar bréfið og minnir á að merkja kvíarnar með ljósum. Hafnarstjórn gerir ekki frekari athugasemdir við fyrirætlanir Fjarðalax ehf.

Lagður fram tölvupóstur Cruise Iceland. Hafnarstjóra falið að kanna kostnað við þátttöku á Seatrade Miami og/eða Seatrade Hamborg og kynna svar í tölvupósti til hafnarstjórnar.

Hafnarstjóri fór yfir skilyrði fyrir Bláfánavottun Landverndar. Hafnarstjórn samþykkir að vinna að Bláfánavottun í höfnum Vesturbyggðar. Sótt verður um vottun fyrir Patreksfjörð fyrst og síðar á Bíldudal og Brjánslæk.

Lögð fram Gjaldskrá Hafna Vesturbyggðar. Hafnarstjórn staðfestir fyrirliggjandi Gjaldskrá Hafnasjóðs Vesturbyggðar með breytingum. Vísað til bæjarstjórnar til staðfestingar.